مراد علی شاہ نے کہا ہے کہ بلاول کے لانگ مارچ سے گھبرا کر کپتان نے پیٹرول کی قیمت میں کمی کی۔

وزیراعلیٰ سندھ مراد علی شاہ نے خیرپور میں بول نیوز سے خصوصی گفتگو کرتے ہوئے کہا کہ بلاول بھٹو زرداری کے لانگ مارچ سے گھبرا کر کپتان نے تیل کی مصنوعات کی قیمتوں میں کمی کردی اور ابھی مزید کریں گے۔

انہوں نے کہا کہ ابھی تو لانگ مارچ شروع ہے، آگے دیکھیے کیا ہوتا ہے، مارچ کا رزلٹ ہے مصنوعی قیمتیں کم ہونا شروع ہوگئی ہیں۔

واضح رہے کہ چیئرمین پیپلز پارٹی بلاول بھٹو زرداری نے مورو میں لانگ مارچ سے خطاب کرتے ہوئے کہا تھا کہ آج ہمارا گلا تھوڑا بیٹھ گیا ہے، میں 2018 کے انتخاب کے دوران مہم چلانے آیا تھا یہاں، اپنے اس وقت بھی زبردست استقبال کیا تھا۔

انہوں نے کہا تھا کہ کسانوں کو فصلوں کی قیمت نہیں مل رہی، ملک کے نوجوان جو مستقبل ہیں ملک کا، وہ بھی مشکل میں ہیں، نوجوان دھکے کھا رہے ہیں، انہیں روزگار نہیں مل رہا، ہم نے ہمیشہ غریب عوام کے لیے کام کیا ہے۔

بلاول بھٹو نے کہا تھا کہ ہم اسلام آباد کی طرف آرہے ہیں، عمران خان بزدل نہیں تواسمبلی چھوڑیں،استعفیٰ دیں، الیکشن کرائیں پتہ چل جائے گاعوام کس کےساتھ ہیں، عوام کا اعتماد اٹھ  چکا، پارلیمان میں بھی عدم اعتماد ہونا چاہیے۔

چیئرمین پیپلز پارٹی نے کہا تھا کہ عمران خان جھوٹوں کے بادشاہ ہیں، آپ اتنے ڈرپوک ہیں کہ زرداری کا انٹرویو نشرہونے سے روکا گیا، ملک کا سربراہ ٹی وی پرآکررونا شروع ہوگیا۔

انہوں نے کہا تھا کہ کبھی عدالت پرحملہ، کبھی مخالفین کوجیل بھیجا گیا، عمران خان بزدل ہیں، تنقید سننے کا حوصلہ نہیں، عمران خان کوعوام کی فکرنہیں، کرسی بچانے پرتوجہ ہے، وقت آگیا ہے کٹھ پتلی سے حساب لیں۔

بلاول بھٹو نے کہا تھا کہ عمران خان نے ملکی معیشت کا بیڑہ غرق کردیا، کٹھ پتلی تماشہ نہیں چلےگا،اب صرف تیرچلےگا، حکومت زراعت پرتوجہ دیتی تومعیشت مضبوط ہوتی، اس قسم کی ڈرامےبازیوں سےمعیشت نہیں چلتی۔

چیئرمین پیپلز پارٹی نے کہا تھا کہ مارچ شروع ہونے سے پہلے12روپےاضافہ کیا گیا تھا، 10 روپے کمی کرکےعوام کوبےوقوف بنانےکی کوشش کی جارہی ہے، بجلی کی قیمت میں6روپےاضافہ ہوا،5روپےکم کرکے بےوقوف بنارہےہیں۔

انہوں نے کہا تھا کہ عوامی مارچ کی وجہ سےکپتان گھبراگیا، کپتان نےجھک کرپیٹرول کی قیمت10روپےکم کردی، کپتان توجھکنےوالانہیں تھا،بجلی کی قیمتیں بھی کم کردیں۔

بلاول بھٹو نے کہا تھا کہ نیاپاکستان کااصل چہرہ مہنگائی اوربےروزگاری ہے، یہ نیانہیں مہنگاپاکستان ہے، عوام پہچان چکےتبدیلی نہیں،تباہی ہے، عمران خان روٹی،کپڑا اور مکان چھین رہےہیں۔