گورنر پنجاب چوہدری محمد سرور نے کہا ہے کہ  بیرون ملک مقیم پاکستانی محنت کش ہیں پاکستان کی معاشی ترقی میں ان کا اہم کردار ہے۔

تفصیلات کے مطابق گورنر پنجاب چوہدری محمد سرور کی اوورسیز پاکستانیوں سے ملاقاتیں ہوئی ہیں۔

ملاقاتوں میں گورنر پنجاب نے اوورسیز پاکستانیوں کیلئے اسمبلیوں میں مخصوص نشستیں رکھنے کی تجویز دی ہے۔

گورنر پنجاب چوہدری محمد سرور نے کہا ہے کہ  ووٹ کا حق ملنے کے بعد اوورسیز پاکستانی پاکستان کے جمہوری عمل کا حصہ بن چکے ہیں۔

گورنر پنجاب کا کہنا تھا کہ سالانہ30ارب ڈالر بھجوانے والے اوورسیز پاکستانی ہماراسب سے بڑااثاثہ ہیں، عدالتوں میں ا وورسیز پاکستانیوں کے کیسز کا فیصلہ سالوں نہیں مہینوں میں ہورہا ہے۔

چوہدری محمد سرور نے کہا کہ حکومت سمندر پار پاکستانیوں کی سہولت کیلئے ڈیجیٹل پورٹل کا آغاز بھی کرچکی ہے کیونکہ بیرون ملک مقیم پاکستانی محنت کش ہیں پاکستان کی معاشی ترقی میں ان کا اہم کردار ہے ۔

انہوں نے مزید کہا کہ موجودہ حکومت سمندر پار پاکستانیوں کو تمام سہولیات کی فراہمی کیلئے پرعزم ہے۔