شیر ہمیشہ سے ہی دہشت کی علامت سمجھا جاتا ہے اور اگر یہ کسی جگہ مٹر گشت کرتا دکھائی دے تو اوسان خطا ہوجاتے ہیں۔ ایسا ہی ایک واقعہ امریکا کی ریاست کیلیفورنیا کے شہر میں پیش آیا جہاں دن کی روشنی میں شیر ٹہلتا ہوا دیکھا گیا۔

تفصیلات کے مطابق کیلفورنیا کے  شہرسیلما میں کنٹری کلب لین اورمل اسٹریٹ کے قریب ایک شیرکو چہل قدمی کرتے ہوئے دیکھا گیا اور پھر اس نے ایک گھر کے بر آمدے میں پناہ لی اور آرام کرنے لیٹ گیا، واضح رہے کہ یہ شیر قریبی پہاڑی سے اتر کرشہر میں چلا آیا تھا۔

تاہم مقامی لوگوں نے بروقت پولیس کو اطلاع دی جس کے نتیجے میں پولیس اور محکمہ جنگلی حیات کے افسران  فوراً وہاں پہنچ گئے جہاں انھوں نے اس شیر کو سکون آورانجیکشن لگا کر دوبارہ کنگزنیشنل فاریسٹ میں چھوڑ دیا ۔