سمندری مخلوق ڈولفن کو اس کی محبت پسند فطرت کے باعث انسان کا دوست کہا جاتاہے۔

اپنے متاثرکن رویے اور کرتب سے دیکھنے والوں کو حیرت میں ڈالنے والی ڈولفن  نے امریکا میں ایک کارنامہ انجام دے کر سب کو حیران ہی کر دیا۔

امریکا میں ایک ذہین اور انسان دوست ڈولفن نے  سمندر میں گرے موبائل کو تلاش کرکے خاتون کو پھرتی سے واپس کردیا۔

ویڈیو دیکھیں:

یہ خاتون ساحل پر سیر میں مشغول تھی کہ اچانک ان کے ہاتھ سے فون سمندر میں جا گرا۔

 سمندر میں موجود ڈولفن سے ان خاتون کی پریشانی نہ دیکھی گئی اور وہ سمندر میں غوطے لگاتی ہوئی موبائل فون کی تلاش میں نکل کھڑی ہوئی اور کچھ ہی دیر بعد منہ میں فون دبائے جب وہ باہر آئی تو اسے دیکھ کر خاتون حیرت میں ڈوب گئی۔

اس حیرت انگیز اور دلچسپ منظر کو خاتون نے اپنے کیمرے میں محفوظ کرلیا۔

اس دلچسپ ویڈیو کو دیکھنے والا ہر شخص ڈولفن کی ذہانت اور انسان دوستی کی داد دیئے بغیر نہ رہ سکا۔