امریکی ٹیکنالوجی جائنٹ گوگل نے اپنے ویب براؤزر کروم میں استعمال کنندگان کے لیے ایک اوربہترین فیچرشامل کردیا ہے۔

ٹیکنالوجی ویب سائٹ ٹیک راڈار کے مطابق ’ جرنیز‘ کے نام سے پیش کیے گئے اس فیچر کی مدد سے صارفین کی براؤزنگ ہسٹری کو زیادہ بہتر طریقے سے منظم کیا جاسکے گا۔

گوگل ویب براؤزر کروم میں شامل ہونے والے اس شان دارفیچرکی مدد سے استعمال کنندگان اپنی نامکمل سرچ کو دوبارہ جاری کرسکتے ہیں۔

گوگل کی جانب سے اس فیچرکودنیا کے بیش ترممالک میں گزشتہ ماہ کے آغازمیں پیش کردیا گیا تھا۔

تاہم پاکستانی صارفین بھی اب نئی اپ ڈیٹ کے بعد اس سے مستفید ہوسکیں گے۔

جرنیز کو استعمال کرنے کا طریقہ کار؛

اس فیچرکواستعمال کرنے کےلیے اپنا مطلوبہ لفظ درج کریں یا کروم میں جرنیز کے صفحے (ٹیب) پرجائیں، جہاں آپ کواپنی سرج دوبارہ جاری رکھنے کا فیچردکھائی دے گا۔

اس آپشن پرکلک کرنے کے بعد آپ کروم براؤزر میں اپنے منتخب کیے گئے ٹاسک کو ایڈریس بارمیں لکھیں۔

گوگل کی جانب سے یہ فیچر ڈیسک ٹاپ کے ساتھ ساتھ اینڈروئیڈ کے استعمان کنندگان کے لیے بھی فراہم کیا گیا ہے۔

جس کی بدولت وہ ٹیکسٹ، وائس اور لینس( کیمرے میں دیا گیا ایک فیچر جس کی مدد سے کسی بھی شے کو سرچ کرسکتے ہیں) کی تلاش کو بھی دوبارہ جاری رکھ سکیں گے۔