اکبر ایس بابر نے کہا ہے کہ عمران خان کی غلط بیانیاں بے نقاب ہوچکی ہیں۔

اپنے جاری کردہ بیان میں اکبر ایس بابر نے کہا کہ عمران خان نے  بھارتی شہریوں سے فنڈز کیوں وصول کیے جبکہ مجھ پر الزام لگایا جاتا ہے کہ میں کسی کی ایما پر یہ کررہا ہوں۔

اکبر ایس بابر نے کہا کہ حکمران میرے خلاف ایک بھی ثبوت سامنے لائیں جبکہ عمران خان  7سال سے کیس سے بھاگ رہے ہیں۔

انہوں نے کہا کہ  عمران خان کی غلط بیانیاں بے نقاب ہوچکی ہیں، عمران خان کو چیلنج  ہے  ٹی وی پر مباحثہ  کریں۔

اکبر ایس بابر نے کہا کہ میں تمام تر ریکارڈ عوام کے سامنے رکھوں گا، اسکروٹنی کمیٹی کی رپورٹ میں میرے الزامات سچ ثابت ہوئے۔

انہوں نے کہا کہ اسٹیٹ بینک کا ریکارڈ آگیا اسے کیوں چھپایا جارہا ہے، عمران خان کیوں استعفیٰ نہیں دیتے۔

اکبر ایس بابر کا کہنا تھا کہ الیکشن کمیشن جلد از جلد اس کیس کا فیصلہ سنادے، الیکشن کمیشن کا فیصلہ انتشار کی صورتحال سے نکلے گا۔

انہوں نے مزید کہا کہ عمران خان انتشار کی سیاست کررہے ہیں۔