مرتضیٰ وہاب نے کہا ہے کہ نااہل نیازی سرکار نے عوام کا جینا محال کردیا ہے۔

تفصیلات کے مطابق اپنے ایک بیان میں ترجمان و مشیر قانون سندھ بیرسٹر مرتضیٰ وہاب نے کہا کہ نااہل پی ٹی آئی سرکار کی پالیسیوں کی وجہ سے ملک میں بدترین مہنگائی کے پیش نظر کراچی میٹروپولیٹن کارپوریشن ( کے ایم سی) نے احسن اقدام اٹھایا ہے۔

مرتضیٰ وہاب کا کہنا تھا کہ کے ایم سی نے مہنگائی کے ستائے شہریوں کے لئے سستا بازار لگا دیا ہے۔

سندھ حکومت کے ترجمان نے کہا کہ کے ایم سی بچت بازار میں شہریوں کو سستے داموں اشیاء فراہم کی جارہی ہیں۔

مرتضیٰ وہاب نے یہ بھی کہا کہ کمر توڑ مہنگائی کی وجہ سے شہری پریشانی کا شکار ہیں۔

ترجمان و مشیر قانون سندھ بیرسٹر مرتضیٰ وہاب کا مزید کہنا تھا کہ نااہل نیازی سرکار نے عوام کا جینا محال کردیا ہے، حکومت کی مہنگائی پر قابو پانے کے لئے کوئی توجہ نہیں ہے۔