پاکستان مسلم لیگ ن کا مہنگائی مکاؤ مارچ آج لاہور سے روانہ ہوگا جس کی قیادت حمزہ شہباز اور مریم نواز کریں گے۔

ن لیگی مارچ کے قافلے لاہور سے 2 بجے روانہ ہوں گے جبکہ لانگ مارچ کا پہلا پڑاؤ آج رات گوجرانوالا میں ہوگا۔

اس سلسلے ميں تمام تيارياں مکمل کرلی گئی ہيں، پوسٹراور بينرز شہر ميں جگہ جگہ آويزاں کرديئے گئے ہيں، جبکہ لانگ مارچ کے ليے کنٹينرز بھی پہنچ گئے ہيں۔

اس سفر کے دوران قافلہ 18 مقامات پر پڑاؤ ڈالے گا جس کے لئے تمام تر انتظامات مکمل کرلیے گئے ہیں ۔

اس ریلی کے حوالے سے بات کرتے ہوئے حمزہ شہباز کا کہنا تھا کہ ہم اسلام آباد کی طرف لانگ مارچ کرنے جا رہے ہیں اور ساتھ ہی وزیراعظم کو خبرادر کرتے ہوئے کہا کہ عمران نیازی میں آپ کو بتا رہا ہوں کہ آپ کو چھپنے کی جگہ نہیں ملے گی۔

ٰانہوں نے عمران کو مشورہ دیا کہ وہ وزیر اعظم کے دفتر سے نکالے جانے کے بعد اپنے گھر سے باہر نکلنے سے گریز کریں کیونکہ لوگ انہیں نہیں چھوڑیں گے۔

خیال رہے کہ مسلم لیگ ن کا یہ قافلہ 24 مارچ کو نکلنا تھا لیکن او آئی سی اجلاس کے اور سیکیورٹی کو مد نظر رکھتے ہوئے اس پلان پر آج عملدرآمد کرنے کا فیصلہ کیا گیا ہے۔