عدالت نے نقیب اللہ قتل کیس میں نقیب اللہ کے والد کی جانب سے دائر درخواست کی سماعت غیر معینہ مدت تک ملتوی کردی۔

سندھ ہائیکورٹ میں نقیب اللہ قتل کیس میں سابق ایس ایس پی ملیر راؤ انوار کی ضمانت منسوخی سے متعلق درخواست کی سماعت ہوئی۔

دورانِ سماعت عدالت نے ریمارکس دیے کہ کیوں نہ ملزمان کی ضمانت منسوخ کردی جائے؟

وکیل راؤ انوار نے عدالت کے سامنے مؤقف پیش کیا کہ اے ٹی سی میں کیس حتمی مراحل میں داخل ہوچکا ہے۔ صرف تفتیشی افسر ڈاکٹر رضوان کا بیان ریکارڈ ہونا باقی ہے۔

سابق ایس ایس پی کے وکیل نے مؤقف اپنایا کہ اے ٹی سی سے فیصلہ جلد متوقع ہے ضمانت منسوخ کرنے سے متعلق درخواست کی کارروائی ملتوی کی جائے۔

یہ خبر بھی پڑھیں

دوسری جانب انسداد دہشت گردی عدالت کراچی جوڈیشل کمپلیکس میں بھی نقیب اللہ قتل کیس کی سماعت ہوئی۔

سابق تفتیشی افسر ڈاکٹر رضوان گواہی کے لیے آج عدالت پیش نہ ہوسکے۔

عدالت نے کیس کی سماعت 8 مارچ تک ملتوی کردی

سرکاری وکیل نے عدالت کو بتایا کہ ڈاکٹر رضوان کو لاہور کورٹ میں پیش ہونا ہے اس وجہ سے نہیں آسکے۔

ملزم سابق ایس ایس پی ملیر راؤ انوار کی جانب سے حاضری سے استثنی کی درخواست منظور کرلی گئی

ملزمان کے وکلا  نے سابق تفتیشی افسر ڈاکٹر رضوان کے بیان پر جرح کرنی ہے۔