پاکستان کی معروف اداکارہ اور ڈراموں پر تجزیہ کرنے والی لبنیٰ فریاد کے ایک مرتبہ پھر آمنے سامنے آگئیں۔

پاکستان شوبز انڈسٹری کی سینئر اداکارہ و گلوکارہ بشریٰ انصاری نے ایک بار پھر ڈراموں پر تجزیہ دینے والی لبنیٰ فریاد المعروف اماں پر تنقید کی ہے جس کی ویڈیو سوشل میڈیا پر وائرل ہو رہی ہے۔

بشریٰ انصاری نے حال ہی میں ایک انٹرویو دیا ہے جس کی ایک کلپ سوشل میڈیا پلیٹ فارمز پر وائرل ہو رہی ہے اس انٹرویو میں بشریٰ انصاری کہتی ہیں کہ ’اب ماشاءاللّٰہ سے کریٹیکس (ڈرامہ تجزیہ نگار) بھی آ گئے ہیں، جو حلیم پکاتے پکاتے ہم پر تنقید بھی کرلیتے ہیں، اُن کی مرضی ہے ہمیں وہ جو مرضی کہہ لیں۔‘

بشریٰ انصاری کے اس بیان پر لبنیٰ فریاد نے ردِعمل دیتے ہوئے اداکارہ کے اس انٹرویو کی کلپ کو اپنی انسٹاگرام اسٹوری پر شئیر کرتے ہوئے لکھا کہ ’بشریٰ جی، ڈرامہ دیکھتی بھی حلیم پکانے والی ہیں۔‘

بشریٰ انصاری اور لبنیٰ فریاد کے درمیان جاری اس بحث کو چلتا دیکھ انسٹاگرام صارفین بھی بشریٰ انصاری کو تنقید کا نشانہ بنا رہے ہیں۔

ایک خاتون صارف نے اس ویڈیو پر کمنٹ کرتے ہوئے لکھا کہ ’بشریٰ جی، ڈرامہ دیکھتے بھی حلیم بنانے والے ہی ہیں، آپ کے ڈرامے اب وزیر اعظم تو دیکھنے سے رہے ۔‘

یاد رہے کہ بشریٰ انصاری مذکورہ انٹرویو میں اداکاروں کو درپیش مسائل پر بات کر رہی تھی جس دوران انہوں نے اداکاروں اور ڈراموں پر تجزیہ پیش کرنے والی لبنیٰ فریاد کو آڑے ہاتھوں لیا اور ان پر تنقید کی۔