لاٹری کو فراڈ سمجھ کر نظر انداز کرنے والی خاتون لاکھوں روپے سے ہاتھ دھو بیٹھی۔

رپورٹ کے مطابق آسٹریلیا سے تعلق رکھنے والی ایک لاکھ ڈالر کی انعامی رقم جیتنے والی خاتون نے لاٹری کو فراڈ سمجھ کر نظرانداز کر دیا اور لاکھوں روپے کی انعامی رقم گنوا بیٹھی۔

ہوا کچھ یوں کہ نیو ساؤتھ ویلز سے تعلق رکھنے والی اس خاتون نے 25 فروری کی لکی لاٹریز کی ڈرائنگ کے لیے ٹکٹ خریدا تھا لیکن وہ ڈرائنگ کے بعد اپنا اکاؤنٹ چیک کرنا بھول گئی۔

جب خاتون کو شروع میں لاٹری افسر کی کالز موصول ہوئیں تو اس نے فون کالز کو سنجیدہ نہیں لیا اور فراڈ سمجھ کر کال اٹینڈ نہیں کی۔

کچھ دن بعد فرصت ملی تو خاتون نے لائٹری اکاؤنٹ چیک کیا اور وہ یہ دیکھ کر حیران رہ گئی کہ اس نے لاٹری کے لئے آنے والی کالز کو غلط سمجھا حالانہ اسے 1 لاکھ ڈالر کی انعامی رقم کے لیے فون کالز آ رہی تھیں۔

خاتون کا کہنا ہے کہ وہ یہ دیکھ کر سر پکڑ پر بیٹھ گئی اور پھر اس نے فوراً شوہر سے رابطہ کر کے اسے صورتحال سے آگاہ کیا جس کے بعد اس نے لاٹری منتظمین کو تمام واقعہ بتا کر اپنا انعام وصول کیا جس کو وہ تقریباً گنوا ہی بیٹھی تھی۔