تحریک عدم اعتماد کا معاملے پر جی ڈی اے نے وزیراعظم کو حمایت کی یقین دہانی کرادی۔

پی ٹی آئی حکومت کی اتحادی جماعت گرینڈ ڈیموکریٹک الائنس (جی ڈی اے) نے وزیراعظم عمران خان کے خلاف تحریک عدم اعتماد کے معاملے پر یقین دہانی کروادی۔

وزیراعظم عمران خان نے پارلیمنٹ لاجز میں وفاقی وزیر برائے بین الصوبائی رابطہ ڈاکٹر فہمیدہ مرزا کی رہائش گاہ پر جی ڈے اے کی قیادت سے ملاقات کی جس میں وزیر خارجہ شاہ محمود قریشی اور وفاقی وزیر اسد عمر بھی موجود تھے۔

Prime Minister @ImranKhanPTI held a meeting with Minister for Inter-Provincial Coordination Dr. Fehmida Mirza along with a delegation of Grand Democratic Alliance in Islamabad today@PakPMO https://www.bolnews.com/urdu/latest/2022/03/428321/amp/ pic.twitter.com/Dx0fxKxKVB

Advertisement

— Radio Pakistan (@RadioPakistan) March 14, 2022

ملاقات کے دوران جے ڈی اے کی قیادت نے وزیراعظم عمران خان کو تعاون کی یقین دہانی کراوائی۔

یہ بھی پڑھیں؛ یقین دلاتا ہوں کہ اتحادی ہمارے ساتھ ہیں اور رہینگے، پرویز خٹک

بعد ازاں صحافیوں سے غیر رسمی گفتگو کرتے ہوئے جی ڈی اے رہنما غوث بخش مہر نے کہا کہ وزیراعظم ہمارے پاس آئے اور اپنا مؤقف ہمارے سامنے پیش کیا۔

انہوں نے کہا کہ ہم نے وزیراعظم عمران خان کو مکمل حمایت کی یقین دہانی کرواتے ہوئے کہا کہ چوہدری برادران کا معاملہ آیا تو ان کا ساتھ دیں گے۔

دوسری جانب ایم کیو ایم اور مسلم لیگ (ق) کے درمیان اہم ملاقات ہوئی جس میں اس بات پر اتفاق کیا گیا کہ تحریک عدم اعتماد کے معاملے پر اپوزیشن کی حمایت کا اعلان او آئی سی کانفرنس کے بعد کیا جائے۔

ادھر پاکستان پیپلزپارٹی نے بھی ایم کیو ایم کے تمام مطالبات تسلیم کرلیے ہیں جس پر ایم کیو ایم کی جانب سے اپوزیشن کے ساتھ جانے کے لیے مزید وقت مانگا گیا ہے۔