کراچی ایئرپورٹ پر اے ایس ایف اہلکاروں نے سونے کی دبئی اسمگلنگ ناکام بناتے ہوئے ملزم کو گرفتار کرلیا ہے۔

ترجمان ایئرپورٹس سیکیورٹی فورس (اے ایس ایف) کے مطابق کراچی کے قائد اعظم محمد علی جناح انٹر نیشنل ایئرپورٹ پر ذیشان وحید نامی مسافر بین الاقوامی پرواز سے دبئی جارہا تھا۔

دوران تلاشی مسافر کے جوتے سے 40 تولہ سونا اسمگل ہوا۔

اے ایس ایف حکام کا کہنا ہے کہ مسافر پکڑا گیا سونا دبئی اسمگل کرنے کی کوشش کررہا تھا۔

مسافر کو سونے کو مزید قانونی کارروائی کے لیے کسٹم حکام کے حوالے کردیا گیا ہے۔

ذرائع کا کہنا ہے کہ اسمگلنگ کی کوشش کے دوران پکڑا گیا سونا اعلیٰ معیار کا ہے اور اس کی مالیت کم وبیش 50 لاکھ روپے بنتی ہے۔

واضح رہے کہ اسمگلرز کی جانب سے سونا اسگل کرنے کے نئے طریقے اختیار کئے جاتے ہیں۔

 چند روز قبل بھارت کے ایک شہری کے سامان سے ایسا برقع ملا تھا جس میں نگینوں کی جگہ سونے کے باریک ٹکڑے ٹانکے گئے تھے۔