پہلی بار ماں بننے والی خواتین یہ بات نہیں جان پاتی کہ بچے کی دیکھ بھال میں کن احتیاط کو مد نظر رکھنا ضروری ہے یہ بات تو سب ہی جانتے ہیں کہ پیدائشی بچے بہت نازک ہوتے ہیں ذرا سی بے احتیاطی ان کے لئے خطرناک ثابت ہوسکتی ہیں۔

اسی طرح بچے کی پیدائش پر اگر اس کا سر گول نہ ہوتو اسے گول بنانے کے لئے گھر بڑی خواتین ماؤں کی توجہ اس جانب مبذول کراتی ہے اور ساتھ ہی مشورے بھی دیتی ہیں کہ اس تیل کی مالش کرکے سر بٹھانا، کپڑے کا گول تکیہ بنا کر بچے کو اس پر سلانا تاکہ سر گول بن جائے، مٹی کی پلیٹ پر سررکھنا وغیرہ۔

یہاں یہ بات جاننا بے حد ضروری ہے کہ بچے کا سر ابتدائی 6 ماہ تک بہت نرم ہوتا ہے اور اس طرح سے سر گول بنانے کی کوشش کرنا نقصان دہ ثابت ہوسکتا ہے۔

ڈاکٹر کے مطابق اکثر مائیں بچوں کا سر پیچھے کی جانب سے دباتی ہے جس سے دماغ پر گہرا اثر پڑتا ہے، جس طرح بچوں کو گرنے سے بچایا جاتا ہے اسی طرح سرگول بنانے کے لئے بھی اس طرح کے عمل سے گریز کرنا ضروری ہے، کیونکہ نومولود بچوں کا دماغ بھی جسم کی طرح ناتوا ہوتا ہے اوراس میں کچھ نسیں اتنی زیادہ حساس ہوتی ہیں انہیں دبانے سے خون کی روانی متاثر ہوسکتی ہیں اور یہ مستقبل میں کسی ذہنی عارضے کا سبب بھی بن سکتی ہے۔

نومولود بچوں کا سر 6 ماہ تک اس لئے نرم رہتا ہے کیونکہ وہ ابھی نشوونما کے مراحل سے گزر رہا ہوتا ہے اور اس میں موجود فلوئیڈ بتدریج بڑھتا ہے جو آگے چل کر اسے سخت بناتا ہے یہی وجہ پیدائش سے پختگی کا یہ دوارانیہ 6 ماہ پر محیط ہے۔