پاکستانی اداکار منیب بٹ اور ساتھی اداکارہ عائزہ اعوان کی سیٹ سے شوٹنگ کے دوران کی ویڈیو سوشل میڈیا پر وائرل ہو گئی۔

تفصیلات کے مطابق شوبز انڈسٹری کے معروف اداکار منیب بٹ اور اداکارہ عائزہ اعوان کی دلچسپ ویڈیو سوشل میڈیا پر وائرل ہو رہی ہے، جس میں دیکھا جا سکتا ہے کہ منیب بٹ عائزہ اعوان کو دیکھ کر کہتے ہیں کہ ’ارے علیشبہ تم یہاں، منتہا کہاں ہے؟ پھر وہ علیشبہ سے پوچھتے ہیں کہ تم منتہا نہیں ہو، اس پر عائزہ کہتی ہیں کہ میں علیشبہ ہوں۔

منیب بٹ مزید کہتے ہیں کہ میں یاسر نہیں ہوں، ایان ہوں، پھر دونوں اداکار مسکرا دیتے ہیں۔

ڈرامہ سیریل ’یہ نہ تھی ہماری قسمت’ میں مرکزی کردار نبھانے والے اداکار منیب بٹ اور عائزہ اعوان کی ڈرامے کے سیٹ کی اس ویڈیو کے سوشل میڈیا پر خوب چرچے ہورہے ہیں۔

یہ ویڈیو منیب بٹ نے ٹک ٹاک پر شیئر کی جسے اب تک ہزاروں صارفین دیکھ چکے ہیں اور اس پر خوب تبصرے بھی کررہے ہیں۔

واضح رہے کہ ڈرامے کی کہانی میں کزن کے درمیان ہونے والی شادی کے بعد تعلقات میں اتار چڑھاؤ کو دکھایا گیا ہے۔