یمن میں ایک آنکھ والا بچہ پیدائش کے 7 گھنٹے بعد چل بسا۔

بین الاقوامی میڈیا رپورٹس کے مطابق  یمن کے صوبے البیضا کے شہر رداع میں ایک ایسے بچے کی پیدائش ہوئی ، جس کی ایک آنکھ تھی۔

ڈاکٹرز کا کہنا ہے کہ یہ ایک بیماری ہے جس کا نام ’سائکلوپیا‘ ہے، جبکہ یہ بچہ پیدائش کے 7 گھنٹوں بعد فوت ہوگیا۔

یمن سے تعلق رکھنے والے ایک صحافی کریم زارعی نے مذکورہ بچے کی تصویر پوسٹ کی تھی جوکہ دیکھتے ہی دیکھتے دنیا بھر میں وائرل ہو گئی۔

دوسری جانب جنگ سے تباہ حال یمن میں صحت کے حکام کی جانب سے اس پر فوری طور پر کوئی تبصرہ نہیں کیا گیا ہے۔

میڈیا رپورٹس کے مطابق دنیا بھر میں تقریباً پانچ صدیوں میں صرف چھ ایسے کیسز دیکھے گئے، اس نوعیت کی پہلی پیدائش کا اندراج 1665 میں ہوا تھا۔