انسداد منشیات فورس (اے این ایف) نے نیو اسلام آباد انٹرنیشنل ائیرپورٹ پر 2 مسافروں سے منشیات برآمد کر لی ہے۔

تفصیلات کے مطابق اینٹی نارکوٹکس فورس (اے این ایف) اور ایئرپورٹ سیکیورٹی فورس (اے ایس ایف) نے مشترکہ کارروائی کرتے ہوئے برمنگھم جانیوالے مسافر سے ہیروئن برآمد کی۔

ملزم نے 1 کلو 970 گرام ہیروئن بمعہ پیکنگ ہاٹ پاٹ میں مہارت سے چھپا رکھی تھی۔

ترجمان اے این ایف نے بتایا کہ ملزم صبغت اللہ پرواز نمبر (ئی وائے 232) کے ذریعے برمنگھم روانہ ہو رہا تھا۔

اینٹی نارکوٹکس فورس اور ایئرپورٹ سیکیورٹی فورس نے دوسری کارروائی میں مسافر محمد اعظم سے بھاری تعداد میں نشہ آور گولیاں برآمد کیں جو پرواز نمبر (جی ایف 771) سے جدہ کیلئے روانہ ہو رہا تھا۔

اے این ایف کے ترجمان نے بتایا کہ ملزم نے 18 ہزار 680 کلو نازیپام گولیاں ریوڑیوں کے پیکٹ میں چھپا رکھی تھیں۔

واضح رہے کہ ملزمان کے خلاف انسداد منشیات ایکٹ کے تحت مقدمات درج کر کے مزید تفتیش کا آغاز کر دیا گیا ہے۔