سعودی عرب کی مشہور سوشل میڈیا اسٹار اور انفلوئنسر ساز القحانی ٹریفک حادثے میں ہلاک ہو گئیں۔

غیر ملکی میڈیا رپورٹ کے مطابق سعودی عرب کے دارالحکومت ریاض میں ایک حادثے میں 22 سالہ سوشل میڈیا اسٹار “ساز القحطانی” ہلاک ہو گئی۔

رپورٹ کے مطابق ساز القحانی اسنیپ چیٹ پر کافی مشہور تھیں اور سوشل میڈیا کے مختلف پلیٹ فارمز پر اُن کے بڑی تعداد میں فالوورز ہیں، ٹویٹر پر لاکھوں سعودیوں نے ان کی موت کی خبر شیئر کی جس کے سبب #ساز_القحطاني ٹویٹر پر ٹاپ ٹرینڈ رہا۔

سوشل میڈیا صارفین نے ساز کی اچانک موت پر گہرے افسوس اور رنج کا اظہار کیا ہے۔

 ساز کی موت کے حوالے سے ابھی تک تفصیلات واضح نہیں ہو سکیں تاہم بعض معلومات کے مطابق وہ ریاض میں العروبہ روڈ پر خوف ناک ٹریفک حادثے کا شکارہ ہوئیں۔

حادثہ پیش آنے کے بعد ساز کو فوری طور پر ہسپتال منتقل کیا گیا تاہم وہ زخموں کی تاب نہ لاتے ہوئے دم توڑ گئیں۔

حادثے کی خبر سوشل میڈیا پر جنگل کی آگ کی طرح پھیل گئی، ویڈیو میں ایک گاڑی کو الٹتے ہوئے اور پھر اس میں آگ بھڑکتے ہوئے دیکھا جا سکتا ہے۔

https://www.youtube.com/watch?v=IEMuLvtui-g&t=2s

واضح ہے کہ ساز القحطانی کا شمار سعودی عرب میں سوشل میڈیا بالخصوص اسنیپ چیٹ کے مشہور ترین افراد میں ہوتا ہے ساز نے سوشل میڈیا پر مختلف اقسام کی تصاویر اور ویڈیوز کے سبب شہرت پائی، ساز مملکت میں مختلف تقریبات اور فیشن فیسٹولز میں ماڈل کے طور پر بھی کام کر چکی ہیں۔