بول نیوز کا منفرد مارننگ شو ’’دنیا بول ہے‘‘ بہت جلد آن ایئر کردیا جائے گا۔

پاکستان کا نمبر ون چینل بول نیوز ہمیشہ سے اپنے ناظرین کے لیے نت نئے پروگرام لانچ کرتا رہتا ہے جس کی وجہ سے ’بول نیوز‘ کو عوام میں بے حد مقبولیت حاصل ہے جس کا منہ  بولتا ثبوت بول کے نمبر ون پروگرامز ہیں جو آن ایئر ہوتے ہی مقبولیت کے تمام ریکارڈز توڑ دیتے ہیں۔

نمبر ون چینل بول کی جانب سے حال ہی میں بچوں کے لیے پاکستان کا پہلا گیم شو ’’ بچہ لوگ گیم شو‘‘ آن ایئر کیا گیا جس کی میزبانی نامور اداکار احمد علی بٹ کررہے ہیں اور پروگرام کو بے حد سراہا جارہا ہے۔

اس کے علاوہ بول انٹرٹینمنٹ کے مقبول ترین پروگرامز ’’بول ہاؤس‘‘ ، ’’خوش رہو پاکستان‘‘، ’’گیم شو ایسے چلے گا‘‘ ، ’’بول کا پاکستان‘‘ بھی کامیابی کے جھنڈے گاڑ چکے ہیں اور ناظرین کی جانب سے ان پروگرام کی اگلی قسطوں کا بے صبری سے انتظار کیا جاتا ہے۔

بول نیوز کی جانب سے اب پاکستان کا پہلا منفرد مارننگ شو ’’ دنیا بول ہے‘‘ کا آغاز کیا جارہا ہے جس کی میزبانی طلحہ جتوئی اور نامور شیف وردہ شعیب کریں گی۔