موبائل فون کا چِھننا اور چوری ہونا ایک ایسا مسئلہ ہے، جو کم و بیش دنیا کے ہرترقی یافتہ اورترقی پذیرممالک میں موجود ہے۔

موبائل چھننے یا چوری ہونے کی صورت میں مالی نقصان تو ایک طرف لیکن اگر آپ کی سم غلط ہاتھوں میں چلی جائے تو یہ اس سے زیادہ نقصان دہ ثابت ہوتا ہے۔

سم کارڈ آپ کے نام اور شناختی کارڈ نمبرپرجاری کیا جاتا ہے،لیکن اگر یہ کسی جرائم پیشہ فرد یا گروہ کے ہاتھ لگ جائے توپھرآپ طویل قانونی مسائل میں الجھ سکتے ہیں۔

اپنے نام رجسٹرڈ سم بلاک کرنے کا طریقہ کار

سب سے پہلے اپنے شناختی کارڈ نمبر پر رجسٹرڈ سموں  کی تعداد جانیے

اپنے موبائل میں میسج پر جائیے

اپنا تیرہ ہندسوں پر مشتمل قومی شناختی کارڈ نمبر بنا (ہائیفن) درج کریں

اس پیغام کو 668 پر سینڈ کردیں

جوابی ایس ایم ایس میں آپ کو رجسٹرد سموں کی تعداد کمپنیوں کے نام کے ساتھ فراہم کردی جائے گی

ہیلپ لائن کی مدد سے سم کارڈ بلاک کرنے کا طریقہ کار

ہیلپ لائن پر کال کریں

کال سینٹرنمائندے سے اپنا مسئلہ بیان کریں اوراسے سم بلاک کرنے کا کہیں

یاد رہے کہ بہت سی ٹیلی کام کمپنیاں ڈپلیکیٹ سم کو بنا کسی اضافی چارجز گھر بھیج دیتی ہیں۔