یوکرین نے جنگ سے متاثرمعیشت کی بحالی کے لیے کرپٹوکرنسی پربہت زیادہ انحصار کرنا شروع کردیا ہے۔

ڈیجیٹل اثاثوں کی شکل میں کرپٹوکراؤڈ فنڈنگ کے لیے یوکرین نے ’ میٹا ہسٹری: میوزیم آف وار‘ لانچ کردیا ہے۔

اس میوزیم میں ان تمام ڈیجیٹل امیجزکی سیریزکا کلیکشن جمع کیا جائے گا جوجنگ کے ہردن کی ایک نئی کہانی بیان کرتی ہے۔ اس نان فنجائی ایبل ٹوکن سیریزکا مقصد حقائق پرمبنی معلومات کوپھیلانا ہے۔

یوکرین کے وزیربرائے ڈیجیٹل ٹرانفارمیشن کا اس حوالے سے کہنا ہے کہ روسی چڑھائی کے بعد سے ہمیں 65 ملین ڈالرسے زائد مالیت کی کرپٹو کرنسی بطورعطیہ مل چکی ہے۔

اس این ایف ٹی میوزیم کے قیام کا ایک مقصد کرپٹو کرنسی میں عطیات کی وصولی کوبڑھانا بھی ہے۔ اس کلیکشن میں تمام ڈیجیٹل امیجزکی سیریزہوگی جن میں جنگی جہازوں کے تصویری خاکے، اخباروں کے تراشے اوربم دھماکوں کی کارٹون کی طرز کی بنائی گئی تصاویر بھی شامل ہوں گی۔

نان فنجائی ایبل ٹوکن کیا ہے؟

کرپٹو کرنسی کے ذریعے ڈیجیٹل اثاثوں کی خریدوفروخت کو نان فنجائی ایبل ٹوکن کی شکل میں پیش کیا جاتا ہے۔ لیکن کاغذ پر بنی کسی شے کی تصویر این ایف ٹی نہیں ہوگی بلکہ وہ ڈیجیٹل تصویر، یوٹیوب کی پہلی ویڈیو، ایپل کا پہلا کوڈ یا پھر سی این این کا پہلا ویب پیچ ہوسکتی ہے۔

سادہ الفاظ میں صرف ڈیجیٹل یا سائبر اسپیس میں تیار ہونے والا کوئی شاہکار ہی این ایف ٹی کہلائے گا۔