بھارتی کرکٹ کے لیجنڈ اور کمنٹیڑ سنیل گواسکر نے بھارتی اسپنرز کو شین وارن سے زیادہ اچھا اسپنر قرار دے دیا۔

ایک بھارتی ٹی وی چینل کو انٹرویو دیتے ہوئے ماضی کے بہترین بلے بازوں میں شمار کئے جانے والے بیٹسمین سنیل گواسکر نے کہا کہ شین وارنر ایک اچھا اسپنر تھا مگر اسے عظیم نہیں کہا جا سکتا۔

گواسکر نے کہا کرکٹ آسٹریلیا کے لئے آنجہانی شین وارن کی بہت خدمات ہیں مگر میں انہیں عظیم لیگ اسپنر تصور نہیں کرتا۔

سنیل گواسکر نے کہا کہ آسٹریلین کرکٹ کے لئے خدمات کے باوجود وہ آسٹریلیا کے لئے عظیم کھلاڑی کی جگہ حاصل نہیں کر سکتے۔

سنیل گواسکر نے اپنی اس منطق کے جواب میں کہا کہ بھارتی اسپنرز اور مرلی دھرن آسٹریلین لیگ اسپنر شین وارن سے کہیں زیادہ بہتر تھے۔

واضح رہے کہ آسٹریلیا کے معروف سابق لیگ اسپنر اور بال آف دی سنچری کے حامل شین وارن جمعے کے دن تھائی لینڈ کے کوہ سموئی میں اپنے ولا میں دل کا دورہ پڑنے کے باعث انتقال کر گئے تھے۔

سابق ٹیسٹ کرکٹر شین وارن کا کرکٹ کیرئیر 1992ء سے 2007ء پر محیط رہا، انہوں نے 145 ٹیسٹ اور 194 ون ڈے انٹرنیشنل میچز میں آسٹریلیا کی نمائندگی کرتے ہوئے ایک ہزار سے زائد وکٹیں حاصل کیں جبکہ ٹی 20 کرکٹ میں ان کی وکٹوں کی تعداد 70 تھی۔