محکمہ بلدیات سندھ کی جانب سے مویشی منڈیوں پر پابندی عائد کردی گئی ہے۔

اس حوالے سے جاری نوٹس کے مطابق لیمپی اسکن کی بیماری خاص طور پر گائے میں پائی جارہی ہے جس کی وجہ سے سندھ کی مویشی منڈیوں پر پابندی عائد کی گئی ہے۔

سندھ میں سانگھڑ، جامشورو، سکھر، میرپورخاص، ٹھٹہ، حیدرآباد اور کراچی میں بیماری کی تصدیق ہو چکی ہے۔

مذکورہ صورتحال کے پیش نظر سندھ میں مویشی منڈی کے قیام پر پابندی عائد کی گئی ہے۔

خیال رہے کہ ریسرچ آفیسر محکمہ بلدیات سندھ نے ہنگامی مراسلہ جاری کردیا جو کہ سندھ بھر کے بلدیاتی سربراہان کو بھی ارسال کیا گیا ہے۔

دوسری جانب سیکرٹری لائیواسٹاک پنجاب نے سندھ میں جانوروں میں بیماری پھیلنے پر سرحدی علاقوں کی مویشی منڈیوں میں حفاظتی کیمپ لگائے گئے ہیں۔

جانوروں میں پھیلنے والی اس بیماری کو کیا کہتے ہیں اور یہ کس قدر خطرناک ہے؟

طبی ماہرین کے مطابق جانوروں میں اس بیماری کو ’لمپی اسکن ڈیزیز‘ کہا جاتا ہے، جبکہ اس بیماری میں جانور کے جسم پر پھوڑے نکلنا شروع ہو جاتے ہیں جبکہ یہی پھوڑے جانور کے گوشت کو بھی متاثر کرتے ہیں۔

یہ بیماری کن ممالک میں جانوروں کو متاثر کر رہی ہے؟

لمپی اسکن ڈیزیز نے اس بیماری نے افریقہ میں تباہی مچادی تھی، جہاں 80 لاکھ کے قریب جانور متاثر ہوئے تھے۔

بیماری میں مبتلا جانور کا گوشت انسانی صحت کیلئے خطرہ بن سکتا ہے؟

اس بیماری میں مبتلا جانور کا دودھ اور گوشت انسانی صحت کے لیے بھی خطرہ بن سکتا ہے۔

یہ بیماری ایک سے دوسرے جانور میں کس طرح منتقل ہو تی ہے؟

ماہرین کا کہنا ہے کہ یہ بیماری ایک خاص مکھی اور متاثرہ جانور کے لعاب سے دوسرے جانور میں منتقل ہو سکتی ہے۔