مولانا طاہر اشرفی نے کہا ہے کہ آٹھ مارچ کو یوم حجاب منانا اور عورت مارچ منانا دونوں قانون کے دائرے میں رہ کر درست ہیں۔

 وزیراعظم کے معاون خصوصی برائے بین المذاہب ہم آہنگی مولانا طاہر اشرفی نے کہا کہ گزشتہ سال عورت مارچ والوں کی طرف سے کچھ پلے کارڈز شریعت کے حوالے اشکالات تھے۔

انہوں نے کہا کہ وزیر اعظم کے خلاف تحریک عدم اعتماد لانے والے خود عدم اعتماد کا شکار ہیں، اپوزیشن والے جتنی تاریخیں دیں ان کے ساتھ سال دوہزار تیئس لگادیا کریں۔

مولانا طاہر اشرفی نے کہا کہ برطانیہ میں قانون ہونے کی وجہ سے لوگ ہتک عزت کے مقدمات لیکر عدالتوں میں جاتے ہیں، لوگوں کی عزت کے دفاع کرنے کے لئے کوئی قانون تو ہونا چاہیے۔

وزیراعظم کے معاون خصوصی برائے بین المذاہب ہم آہنگی نے کہا کہ میرے متعلق شراب کی غلط خبریں اس وقت چلائی گئیں جب میں حج پر تھا ، ہتک عزت کا جاندار قانون اور بھی سخت بننا چاہیے۔