برطانیہ کے فرسٹ کلاس کھلاڑی اور لیگ اسپنر میسن کرین نے آںجہانی شین وارن کے اعزاز میں کنٹری چمپئین شپ جیتنے کی خواہش ظاہر کی ہے۔

غیر ملکی میڈیا کے مطابق لیگ اسپنر میسن نے اپنے ایک بیان میں کہا کہ وہ ہیمپشائر کے لئے 2022 کی کنٹری چمپئین شپ جیت کر شین وارن کے نام کرنا چاہتے ہیں۔

انگلینڈ سے تعلق رکھنے والے 25 سالہ میسن کرین نے گزشتہ سیزن میں لندن اسپرٹ میں شین وارن کی کوچنگ میں کھیلے تھے، شین وارن ان کے آئیڈیل کھلاڑی بھی ہیں۔

میسن نے کہا کہ وہ خوش قسمت ہیں کہ انہیں اپنے کیرئیر کے شروع میں ہی لیجنڈ شین وارن کے تجربے اور مہارت سے بہت کچھ سیکھنے کو ملا، افسوس نئے آنے والوں کو یہ موقع کبھی نہیں ملے گا۔

انگلینڈ کے لئے 2018 میں ایک ٹیسٹ میچ کھیلنے والے لیگ اسپنر میسن کرین نے کہا کہ شین وارن سے ملنے والا تجربہ میرے لئے باعث افتخار ہے، اور میں خود کو بے حد خوش قسمت سمجھتا ہوں۔

میسن نے مزید کہا کہ ’میں نے شین وارن کو بڑے ہونے پر بت بنایا تھا اور وہ اپنے وقت کے ساتھ بہت سخی تھا‘، میسن کے مطابق شین وارن اس موسم گرما میں دوبارہ کرین کے ساتھ کام کرنے کے لیے تیار تھے۔

واضح رہے کہ گزشتہ ہفتے تھائی جزیرے کوہ ساموئی میں چھٹیاں گزارنے کے دوران سابق آسٹریلوی کرکٹر شین وارن کی موت واقع ہو گئی تھی۔