شہزاد سعید چیمہ نے کہا ہے کہ عمران خان جلسوں کے پیچھے نہیں چھپ سکتے۔

پاکستان پیپلز پارٹی وسطی پنجاب کے سیکرٹری انفارمیشن شہزاد سعید چیمہ نے کہا ہے کہ آپ جتنی جوتیاں گھسیٹ  لیں، اتحادی آپکے دھوکے میں نہیں آئینگے۔

انہوں نے کہا کہ امر بالمعروف والا عدم اعتماد سے ہی منکر ہو چکا ہے، خان صاحب آپ مذہب اور جلسوں کے پیچھے نہیں چھپ سکتے، نفرت،ضد اور خوف نے آپ کو تنہا کر دیا ہے۔

شہزاد سعید چیمہ نے کہا کہ موقع پرست حکمران اقتدار ڈولتا دیکھ کر غیر منتخب قوتوں کو دعوت دے رہے ہیں، سپریم کورٹ وزیر اعظم اور انکے کرپٹ ٹولے کے نام ای سی ایل میں ڈالنے کا حکم دے۔

پاکستان پیپلز پارٹی وسطی پنجاب کے سیکرٹری انفارمیشن نے کہا کہ برسر اقتدار آ کر ان چوروں سے ملکی معیشت تباہ کرنیکا حساب لینگے۔