وزیراعظم کی زیر صدارت سیاسی کمیٹی کا اجلاس، جس میں تحریک عدم اعتماد سے متعلق مشاورت جاری ہے۔

وزیراعظم عمران خان کی زیر صدارت سیاسی کمیٹی کا اجلاس جاری ہے جس میں وفاقی وزراء پرویز خٹک، شیخ رشید، اسد عمر، شاہ محمود قریشی، فواد چوہدری، شوکت ترین، خسرو بختیار اور بابر اعوان نے شرکت کی۔

اجلاس میں اسپیکر اسد قیصر بھی شریک ہیں۔

اجلاس میں تحریک عدم اعتماد سے متعلق مشاورت کی جا رہی ہے جبکہ اتحادیوں سے رابطوں پر اجلاس کو بریفنگ دی جائے گی۔

اس کے علاوہ اتوار کے جلسے کی تیاریوں کا جائزہ لیا جائے گا، جلسے کے انتظامات کو حتمی شکل دی جائے گی۔