شہزاد سعید چیمہ نے کہا ہے کہ اکثریت کھونے والا کب تک غیر آئینی حرکتوں سے اقتدار بچا پائے گا۔

سیکرٹری اطلاعات پاکستان پیپلز پارٹی وسطیٰ پنجاب شہزاد سعید چیمہ نے کہا ہے کہ اعلیٰ عدلیہ اسپیکر قومی اسمبلی کی آئین شکنی کا ازخود نوٹس لے، پارلیمان سے بھاگنے والے بزدل کپتان کی ٹیم اس پرعدم اعتماد کر رہی ہے۔

انہوں نے کہا کہ ہارا ہوا سلیکٹڈ اب سڑکوں پر تماشے لگا رہا ہے، اکثریت کھونے والا کب تک غیر آئینی حرکتوں سے اقتدار بچا پائے گا، بھارتی خارجہ پالیسی کے گن گانے والا کشمیریوں سے غداری کر رہا ہے۔

شہزاد سعید چیمہ نے کہا ہے کہ ریاست مدینہ کے نام نہاد دعویدار کی بد زبانی اسکی معرفت بن چکی، بنی گالہ کا مکین ملک و قوم کیلئے اب گالی بن چکا ہے۔