بولی وُڈ کی ڈرامہ کوئن راکھی ساونت کسی نہ کسی حوالے سے ہیڈ لائنز کی زینت بن ہی جاتی ہیں۔

ان کا کوئی بیان یا حرکت اکثر میڈیا کی توجہ حاصل کرنے میں کامیاب ہوجاتی ہے۔

راکھی صرف اسکرینز پر ہی نہیں، سوشل میڈیا پر بھی لوگوں کی تفریح فراہم کرنے میں کوئی کسر نہیں چھوڑتیں۔ فینز ان کی تصویروں اور ویڈیوز سے کافی لطف اندوز ہوتے ہیں۔

راکھی ساونت نے اب اپنے انسٹاگرام اکاونٹ پر ایسی ہی ایک ویڈیو شیئر کی ہے، جس کو دیکھنے اور سننے والوں کے ہوش اڑ گئے ہیں۔

راکھی ساونت نے اتوار کو جو ویڈیو شیئر کی اس میں انہوں نے اپنے فینز سے کڈنی (گردہ) بھیجنے کا مطالبہ کر ڈالا۔

ویڈیو میں راکھی ساتھ کہتی ہیں کہ میری آئی ڈی پر یہ دل ول مت بھیجا کرو یار، کڈنی بھیجو کڈنی، آئی فون لینا ہے مجھے، جلد بھیجو، نیا والا آئی فون 13 پرو۔

راکھی ساونت نے اپنی اس ویڈیو کو خود ہی شوٹ کر کے اپنے انسٹاگرام اکاونٹ پر شیئر کیا ہے جو اب سوشل میڈیا پر کافی وائرل ہو رہی ہے۔

راکھی کے اس ویڈیو کو کافی پسند کیا جارہا ہے، فینز کمنٹ سیکشن میں اپنے رد عمل کا اظہار کر رہے ہیں۔

ایک صارف نے لکھا، کڈنی کا ایموجی نہیں ہے ، کیسے بھیجوں یار۔

ایک اور مداح لکھتے ہیں کہ، لیور (جگر) بھیجوں کیا؟

اس سے قبل راکھی نے الگ الگ طرح کی ڈریس کے ساتھ اپنی کچھ ویڈیوز شیئر کی تھیں ، جن میں وہ مختلف پوز دیتی نظر آرہی ہیں۔

ان ویڈیوز میں مداحوں ان کے لکس کی خوب تعریف کی۔

خیال رہے کہ حال ہی میں راکھی ساونت اپنے شوہر رتیش سے الگ ہوئی ہیں۔

اس بات کا اعلان انہوں نے سوشل میڈیا پر ایک پوسٹ کے ذریعہ کیا تھا۔

کچھ دن پہلے راکھی نے ایک انٹرویو کے دوران رتیش سے الگ ہونے کی وجہ بھی کا انکشاف کیا تھا۔

انہوں نے کہا تھا کہ میں نے نہیں بلکہ رتیش نے میرے ساتھ رشتہ ختم کیا ہے ، اتوار کو وہ صبح اٹھے اور اپنا بیگ پیک کرنا شروع کردیا اور کہا کہ وہ میرے ساتھ نہیں رہ سکتے، کیونکہ سابقہ بیوی کے ساتھ ان کے کچھ ایشوز ہیں۔