سعید غنی نے کہا ہے کہ ہمارا مارچ غیر جمہوری حکومت پر جمہوری حملہ ہے۔

وزیراطلاعات سندھ سعید غنی نے سکھر میں میڈیا سے گفتگو کرتے ہوئے کہا کہ بلاول بھٹو زرداری نے وزیرِ اعظم عمران خان کو کچھ آداب سکھا دیئے ہیں۔

سعید غنی نے کہا کہ ق لیگ کے وزیر بتاتے ہیں کہ عدم اعتماد پر وزیرِ اعظم عمران خان سے کوئی بات نہیں ہوئی تو مطلب تحریکِ انصاف حکومت کا کام اتر چکا ہے، تحریکِ عدم اعتماد ضرور لائی جائے گی۔

انہوں نے کہا کہ ہمارا مارچ غیر جمہوری حکومت پر جمہوری حملہ ہے، ایمپائر کا سہارا تحریکِ انصاف لیتی ہے پیپلز پارٹی نہیں۔

وزیرِ اطلاعات و محنت سندھ سعید غنی کا مزید کہنا تھا کہ جب اسمبلی میں ہمارا جمہوری حملہ ہو گا تو وزیرِا عظم عمران خان کو سنبھلنے کا موقع نہیں ملے گا۔

اس سے قبل وزیراطلاعات سندھ سعید غنی نے بول نیوز سے خصوصی گفتگو کرتے ہوئے کہا کہ پنجاب داخلے سے قبل اجلاس میں اسٹریٹجی پر غور کیا گیا، چیئرمین پیپلز پارٹی بلاول بھٹو زرداری کی صدارت اجلاس میں والہانہ استقبال پر تمام پی پی رہنماؤں کو شاباش دی ہے

سعید غنی کا مزید کہنا تھا کہ پارٹی رہنماؤں کو خدشہ ہے پنجاب داخلے پر روکا جاسکتا ہے۔ پنجاب میں پولیس کی طرف سے گرفتاریوں اور روکنے پر آسٹریجی طے کردی گئی، پنجاب حکومت میں طاقت نہیں کہ بلاول بھٹو زرداری کو گرفتار کرے۔