بھارت کے معروف اداکار ابھیشیک بچن کی آنے والی نئی فلم ’دسویں‘ کا ٹیزر جاری کر دیا گیا ہے۔

بھارتی میڈیا کے مطابق بھارت کے لیجنڈری اداکار امیتابھ بچن کے بیٹے ابھیشیک بچن کی آنے والی نئی فلم دسویں کا ٹیزر جاری کر دیا گیا ہے، اس فلم میں اداکار ابھیشیک بچن دسویں جماعت کے امتحانات کی تیاری کرتے ہوئے دکھائی دیں گے۔

بھارتی میڈیا رپورٹ کے مطابق ابھیشیک کی فلم ’دسویں‘ کو نامور بھارتی ہدایت کار توشر جتولا نے ڈائریکٹ کیا اور فلم کے پروڈیوسر دنیش وِجان ہیں، اس کامیڈی فلم میں ابھیشیک بچن بحیثیت گنگا رام چوہدری مرکزی کردار نبھاتے نظر آئیں گے۔

https://twitter.com/i/status/1503250580709380097

ابھیشیک بچن نے اپنے آفیشل ٹوئٹر اکاؤنٹ سے فلم  کا ٹیزر شئیر کیا ہے جس کے کیپشن میں انہوں نے لکھا کہ ایک طالب علم سے دوسرے طالب علم کو، دسوی کے امتحانات کے لیے ڈھیر ساری نیک تمنائیں!

یاد رہے کہ مذکورہ فلم رواں سال 7 اپریل کو سینما گھروں میں پیش کی جائے گی، فلم میں ابھیشیک بچن کے ساتھ اداکارہ یامی گوتم اور نمرتا کور بھی اداکاری کے جوہر دکھائیں گی۔

دوسری جانب ابھیشیک کے والد امیتابھ بچن نے بھی ان کی نئی آنے والی فلم کے لیے نیک تمناؤں اور خواہشات کا اظہار کیا۔