سندھ میں گینگ ریپ، بچیوں سے جنسی زیادتی کے واقعات کے معاملے پر وفاقی سیکرٹری قانون کو نوٹس دیا گیا۔

تفصیلات کے مطابق سندھ ہائی کورٹ میں اینٹی ریپ ٹرائل اینڈ انوسٹی گیشن ایکٹ 2021 پر عمل درآمد کے لیے درخواست دی گئی، پرنسپل سیکرٹری وزیر اعظم پاکستان اور وفاقی سیکرٹری قانون کو نوٹس دے دیا گیا۔

وفاقی سیکرٹری داخلہ، چیف سیکرٹری سندھ، آئی جی سندھ، سیکرٹری قانون سندھ، ڈی جی نادرا کو بھی نوٹس دے دیا گیا، عدالت نے فریقین سے 28 مارچ کے لیے جواب طلب کر لیا۔

 ایڈووکیٹ طارق منصور کا کہنا تھا کہ حالیہ دنوں میں کئی علاقوں میں افسوسناک واقعات رونما ہوئے، قانون پر عمل داری نہ ہونے سے جنسی زیادتی کے کیسز متاثر ہو رہے ہیں، واقعات روکنے اور شفا تیز ترین ٹرائل یقینی بنانے کی ہدایت دی جائے۔