کنٹینر پر کھڑی آصفہ بھٹو زرداری سے ڈرون کیمرہ ٹکرا گیا ہے۔

تفصیلات کے مطابق ڈرون کیمرہ کنٹینر پر کھڑی آصفہ بھٹو زرداری کے چہرے سے ٹکرایا، ڈرون ٹکرانے کے بعد آصفہ اور بلاول کنٹینر کے اندر چلے گئے۔

اس کے علاوہ بلاول بھٹو کی سیکیورٹی نے ڈرون آپریٹر کو پکڑ لیا ہے۔ آصفہ بھٹو کو ڈرون لگنے سے انکا خون بہا ہے، وہ زخمی ہیں ان کو اسپتال بھیج دیا گیا ہے۔

آصفہ بھٹو زرداری کو جلوس سے روانہ کردیا گیا ہے جبکہ جلوس کی سیکیورٹی سخت کر دی گئی ہے اور ڈرون اڑانے سے منع کردیا گیا ہے۔

دوسری جانب گورنر سندھ عمران اسماعیل نے ٹوئٹر پر جاری ایک پیغام میں کہا ہے کہ آصفہ بی بی کے چہرے پر ڈرون کیمرہ لگنے کا افسوس ہے- اُمید ہے کہ وہ خیریت سے ہونگی۔

آسفہ بی بی کے چہرے پر ڈرون کیمرہ لگنے کا افسوس ہے- اُمید ہے کہ وہ خیریت سے ہونگی۔

— Imran Ismail (@ImranIsmailPTI) March 4, 2022

 اس سے قبل چیئرمین پیپلز پارٹی بلاول بھٹو زرداری نے بول نیوز کو خصوصی انٹرویو دیتے ہوئے کہا تھا کہ عمران خان کے خلاف عدم اعتماد  تحریک میں کامیابی کے بعد عبوری سیٹ اپ کے لیے وزیراعظم ن لیگ سے ہوگا۔

انہوں نے کہا تھا کہ ہمارا مشن کامیاب ہوگا، ہمارا ہدف اس وزیراعظم کو ہٹانا ہے، عبوری سیٹ اپ کے دوران ہدف انتخابی اصلاحات کرنا ہوگا، انتخابی اصلاحات کا مقصد صاف و شفاف انتخابات کرانا ہے۔

بلاول بھٹو نے کہا تھا کہ پیپلز پارٹی مارچ کے باعث عمران خان خوف میں ہے، جیالوں کے خوف سے عمران خان حکومت نے پیٹرولیم مصنوعات کی قیمتوں میں کردی، پشاور دھماکے کی مذمت کرتا ہوں۔

آصفہ بھٹو زرداری کو جلوس سے روانہ کردیا گیا ہے جبکہ جلوس کی سیکیورٹی سخت کر دی گئی ہے اور ڈرون اڑانے سے منع کردیا گیا ہے۔