انٹرنیشنل اولمپک کمیٹی نے چھ سال بعد ایتھیلیٹ سے ریو اولمپکس 2016 کا گولڈ میڈل اعزاز واپس لے لیا۔

قازقستان سے تعلق رکھنے والے ویٹ لفٹر ایتھیلیٹ نجات رحیموف کا ریوڈی جینرو اولمپکس 2016 میں جیتا گیا گولڈ میڈل کے اعزاز کی واپسی کے بعد پابندی بھی عائد کر دی گئی۔

ویٹ لفٹر پر ممنوعہ ادویات استعمال کرنے اور یورین سیمپل میں دھوکہ دہی کا مرتکب ہونے کا الزام تھا۔

قازقستان سے تعلق رکھنے والے 28 سالہ ویٹ لفٹر نے ریوڈی جینرو اولمپکس کے دوران چار مرتبہ حقیقی یورین سیمپل کے بجائے دوسرے یورین کے سیمپل فراہم کئے تھے۔

ویٹ لفٹر کے 15 مارچ 2016 کے بعد کے تمام ایونٹس کے نتائج ریکارڈز سے حذف کر دیئے ہیں۔

واضح رہے کہ قازقستان کے ویٹ لفٹر نے 2015 کی ورلڈ چمپئین شپ بھی جیتی تھی۔

ویٹ لفٹر پر پہلا چارج اولمپکس کے بعد جون 2013 میں لگا تھا، جسے ویٹ لفٹر نے عدالت میں چیلنج کیا تھا۔

ورلڈ اینٹی ڈوپنگ ایجنسی کی پانچ سالہ تحقیقات کے بعد معلوم ہوا کہ ویٹ لفٹر نے نہ صرف ممنوعہ اینابولک اسٹیرائیڈزاستعمال کی بلکہ ایتھیلیٹ نے اپنے یورین سیمپل بھی تبدیل کئے۔

انٹرنیشنل ویٹ لیفٹنگ فیڈریشن کے آئین کے آرٹیکل 2.2 کے مطابق نجات رحیموف پر پابندی عائد کی گئی ہے۔