پاکستانی شوبز انڈسٹری سے وابستہ یشما گل نے حال ہی میں اپنا فون چوری ہونے کی دکھ بھری داستان اپنے مداحوں کے ساتھ شئیر کی ہے۔

یشما گل کو ایک زخمی شخص کی مدد کرنا مہنگا پڑ گیا۔

اداکارہ یشما گل نے حال ہی میں اپنے انسٹاگرام پر اپنا فون چوری ہونے کے بارے میں بات کی۔

انہوں نے حال ہی میں اپنے ساتھ پیش آنے والا ایک واقعہ شیئر کیا۔

یشما نے کہا کہ انہوں نے کار چلاتے ہوئے ایک موٹر سائیکل حادثہ دیکھا۔ یشما زخمی کی مدد کے لیے رکیں، لیکن اس وقت ان کا موبائل چوری ہو گیا۔

انہوں نے بتایا کہ میں زخمی شخص کی مدد کے لیے اپنی کار سے باہر نکلی۔ میں نے لوگوں سے زخمی شخص کو اپنی گاڑی تک لے جانے میں مدد کرنے کو کہا۔ زخمیوں کو باحفاظت ہسپتال لے جانے کے بعد میں نے دیکھا کہ میرا موبائل غائب تھا۔

یشما گل کا شمار پاکستانی انڈسٹری کی بہترین اداکاراؤں میں ہوتا ہے۔ لوگ ان کی بڑی بڑی پرکشش آنکھوں اور پیارے سے چہرے کے دیوانے ہیں۔

انہوں نے ڈرامہ انڈسٹری میں آنے کے بعد بہت کم وقت میں شہرت اور کامیابی حاصل کی ہے۔

یشما نے اپنی اداکاری کا آغاز ڈرامہ میری سہیلی میری بھابی سے کیا۔ اس کے علاوہ انہوں نے ڈرامہ پیار کے صدقے میں ایک منفی کردار ادا کیا، جس میں اداکارہ یمنا زیدی اور بلال عباس خان شامل ہیں۔

انہوں نے منفی کردار ادا کر کے ہر ایک کا دل چُرا لیا۔

یشما گل حال ہی میں جشن ای کرکٹ میں نظر آئیں۔ جہاں انہوں نے انکشاف کیا کہ وہ کرکٹر شاہین آفریدی کے ڈمپلز کی فین ہیں۔