انڈین کامیڈین بھارتی سنگھ کے بےبی شاور کا فوٹوشوٹ سوشل میڈیا پر وائرل ہو گیا۔

رپورٹ کے مطابق بھارت کی نامور کامیڈین بھارتی سنگھ جلد ہی اپنے پہلے بچے کو جنم دینے والی ہیں، تاہم بھارتی نے حال ہی میں اپنے بے بی شاور کا فوٹوشوٹ کروایا ہے جو سوشل میڈیا صارفین کی توجہ کا مرکز بنا ہوا ہے۔

بھارتی نے اپنے انسٹاگرام اکاؤنٹ پر اپنی تصاویر شئیر کی ہیں جس میں بھارتی کو خوبصورت لباس زیب تن کئے ہوئے دیکھا جا سکتا ہے۔

بھارتی نے اپنی ان تصاویر کے کیپشن میں لکھا ہے کہ ہونے والے بے بی کی ممی۔

دوسری جانب بھارتی کے سوشل میڈیا فین پیجز کی جانب سے بھی بھارتی کی سفید رنگ میں ملبوس بےبی شاور کی تصاویر شئیر کی گئی ہیں جو کہ سوشل میڈیا پر بےحد مقبول ہو رہی ہیں۔

بھارتی کے مداح ان کی تصاویر کی خوب تعریف کر رہے ہیں اور ساتھ ہی ان کے بچے کے لئے نیک تمناؤں کا اظہار بھی کر رہے ہیں۔