آسٹریلوی کرکٹ بورڈ نے پاکستان اور بھارت سمیت تین ملکی سیریز کی میزبانی کے لئے رضامندی ظاہر کر دی ہے۔

کرکٹ آسٹریلیا کے چیف نک ہوکلے نے آج اپنے ایک بیان میں کہا ہے کہ وہ پاکستان اور بھارت کے ساتھ اپنے ملک میں سہ ملکی سیریز کے لئے تیار ہیں۔

نک ہوکلے نے مزید کہا کہ کرکٹ آسٹریلیا اس سہ فریقی سیریز کے فارمیٹ سے حقیقی طور پر جوش ہیں۔

کرکٹ آسٹریلیا کے سربراہ نک ہاکلے نے مزید کہا کہ آسٹریلیا روایتی حریفوں کے درمیان مسابقت کو دوبارہ شروع کرنے کے لیے پلیٹ فارم فراہم کرنے پر خوش ہو گا۔

ہاکلے نے مزید کہا کہ آسٹریلیا میں ہندوستان اور پاکستان دونوں کمیونٹیز کی ایک بڑی تعداد رہائش پذیرہے، اور ان کی موجودگی میں یہ سیریز نہایت ہی شاندار اور جوش و خروش والی ہو سکتی ہے۔

Australia open to host tri-series involving Pakistan, India

Read more: https://www.bolnews.com/urdu/latest/2022/03/713561/amp/#Pakistan #India #Australia pic.twitter.com/taB8zSzyNQ

— Cricket Pakistan (@cricketpakcompk) March 9, 2022

عالمی کرکٹ میں اس طرح کی سیریز مارکیٹ میں داخل ہونے کے لیے ایک بہترین پلیٹ فارم فراہم کرے گی۔

واضح رہے کہ سرحد پار کشیدگی کی وجہ سے بھارت اور پاکستان تقریباً ایک دہائی سے دوطرفہ کرکٹ نہیں کھیل رہے ہیں، پاکستان کرکٹ بورڈ نے ہمیشہ کرکٹ کو سیاست سے الگ رکھنے کی بات کی، مگر بی سی سی آئی ہمیشہ بھارتی حکومت کے زیر اثر رہا ہے۔

اس سیریز کے لئے سب سے پہلے تجویزپاکستان کرکٹ بورڈ کے سربراہ رمیز راجہ نے پیش کی تھی۔ انہوں نے کہا تھا کہ وہ 4 ملکی ٹورنامنٹ، جس میں بھارت، پاکستان، آسٹریلیا اور انگلینڈ شامل ہیں، کی تجویز آئی سی سی کو دیں گے۔

 رمیز راجہ نے یہ بھی کہا تھا کہ اس طرح کے ٹورنامنٹ سے حاصل ہونے والے منافع کو آئی سی سی کے تمام ممبران کے ساتھ فیصد کی بنیاد پر شیئر کیا جا سکتا ہے۔

پاکستان اور بھارت گزشتہ ایک دہائی سے صرف آئی سی سی کے بڑے ایونٹس میں مد مقابل ہوتے ہیں اور باہمی سیریز سے ہمیشہ بھارت انکار کرتا آیا ہے، حالانکہ پاکستان نے بھارت کو نیوٹرل وینیو پر سیریز کھیلنے کی تجویز بھی دی تھی۔

بھارت ورلڈ کپ 2022 کے افتتاحی میچ میں پاکستان سے کھیلے گا۔ قابل ذکر بات یہ ہے کہ دونوں ٹیموں نے گزشتہ سال ورلڈ کپ میں ایک دوسرے کے خلاف اپنی مہم کا آغاز کیا تھا۔

کرکٹ آسٹریلیا کے چیف ایگزیکٹو ہاکلے نے کہا کہ ان کے بورڈ نے اس تجویز پر بات نہیں کی ہے لیکن وہ پاکستان اور بھارت کی سہ فریقی سیریز کی میزبانی کے لیے تیار ہے۔

ہاکلے نے راولپنڈی میں نامہ نگاروں کو بتایا، “ذاتی طور پر، مجھے سہ فریقی سیریز کا تصور بہت پسند ہے۔ ماضی میں اس نے اچھا کام کیا ہے۔”