اسد قیصر نے کہا ہے کہ عدم اعتماد کی تحریک میں عالمی طاقتیں ملوث ہیں۔

اسپیکر قومی اسمبلی اسد قیصر نے  تقریب سے خطاب کرتے ہوئے  کہا ہے کہ کنڈل ڈیم کے بننے سے علاقے میں روزگار کے موقع پیدا ہوئے، کنڈل ڈیم بائی پاس بنانے کا مقصد سیاحوں کے لیے آسانی پیدا کرنا ہے۔

انہوں نے کہا کہ کنڈل ڈیم کو محکمہ سیاحت کے حوالے کرینگے، علماء کے لیے وظائف  دیے، سود کے خلاف قانون لائے، عدم اعتماد کی تحریک میں عالمی طاقتیں ملوث ہیں۔

اسد قیصر نے کہا کہ پاکستان کے عوام کا مفاد سب سے پہلے ہیں، عمران خان پہلی مرتبہ آزاد خارجہ پالیسی لائے ہیں، پاکستان ایک آزاد اور خود مختار ملک ہے، پوری دنیا کے ساتھ  برابری کے ساتھ تعلقات ہوں گے۔

اسپیکر قومی اسمبلی نے کہا کہ کسی کی ڈکٹیشن نہیں لیں گے ،عدم اعتماد لانا اپوزیشن کا حق ہے، پی ٹی آئی ایم این اے اور اتحادی عمران خان کے ساتھ چٹان کی طرح کھڑے ہیں، قومی اسمبلی کا اجلاس جلد طلب کریں گے۔