بھارتی ریاست راجھستان کے ضلع الور میں اونچی ذات کے ہندوؤں نے دلت نوجوان کو مندر میں ناک رگڑنے پر مجبور کر دیا۔

بھارتی میڈیا کے مطابق ایک درجن سے زائد اونچی ذات کے ہندوؤں نے دلت نوجوان سے ناک رگڑاونے کے بعد اس پر تشدد بھی کیا۔

پولیس کے مطابق متاثرہ نوجوان راجیش کمار میگھوال ایک نجی بینک میں کام کرتا ہے۔
میگھوال پر الزام ہے کہ سوشل میڈیا پر فلم’دی کشمیر فائلز‘ پر تنقید سے متعلق اپنے ایک تبصرے کے جواب میں انہوں نے مبینہ طور پر ہندو دیوتائوں کے بارے میں توہین آمیز کلمات لکھے تھے۔

 جس کی وجہ سے کچھ مشتعل افراد نے انہیں مارا پیٹا اور مندر میں لے گئے۔ اور ناک رگڑنے پر مجبور کیا گیا اور معافی مانگنے کو کہا گیا۔

لیکن کچھ مقامی لوگوں نے اسے ایک مندر میں معافی مانگنے پر مجبور کیا۔ انہیں منگل کو مندر لے جایا گیا، جہاں میگھوال نے معافی مانگی۔