کوک اسٹوڈیو سیزن 14 میں مومنہ مستحسن کا سولو سانگ بےپرواہ مداحوں کے دل کو بھا گیا، 3 ملین ویوز حاصل کر لیے۔

رپورٹ کے مطابق  ’بے پروا‘ رواں سیزن کا پہلا سولو گانا ہے، جسے مومنہ مستحن نے گایا ہے یہ گانا 7 مارچ کو ریلیز کیا گیا تھا جس کو مداحوں کی جانبھ سے خوب پسند کیا جا رہا ہے۔

کوک اسٹوڈیو کے حالیہ سیزن میں مومنہ مستحن کا یہ دوسرا گانا ہے، ان کا پہلا گانا ’سجن ڈس نہ‘ کو 23 جنوری کو ریلیز کیا گیا تھا،جس میں عاطف اسلم نے ان کا ساتھ دیا تھا جبکہ مومنہ اب تک کی پہلی گلوکارہ بن گئیں، جن کا چودہویں سیزن میں دوسرا گانا جاری کیا گیا ہے۔

’بے پروا‘ کی موسیقی ذوالفقار علی جبار المعروف زلفی نے ترتیب دی ہے جب کہ اس کی شاعری مومنہ مستحسن، زلفی اور عدنان ڈھول کی جانب سے لکھی گئی ہے۔

مومنہ مستحسن کے گانے بےپرواہ کو شائقینِ موسیقی کی جانب سے بے حد پسند کیا جا رہا ہے اور سوشل میڈیا صارفین بھی اس پر اپنے ردِ عمل کا اظہار کر ہے ہیں، اس گانے کو 3 ملین سے زائد ویوز حاصل ہو چکے ہیں۔