پیپلز پارٹی کی نائب صدر سینیٹر شیری رحمان نے کہا ہے کہ نااہل اور نالائق حکومت کے خلاف کسی کو سازش کرنے کی ضرورت نہیں ہے۔

سماجی رابطے کی ویب سائٹ پر اپنے ایک پیغام میں شیری رحمان نے وزیراعظم کے خطاب کے حوالے سے بات کی ہے۔

 انہوں نے کہا کہ وزیاعظم صاحب آپ خود کا شہید ذوالفقار علی بھٹو سے موازنہ نا کریں کیونکہ بھٹو بننے کے لئے وژن، جرات اور ہمت چاہئے جو خود پھانسی چڑھ گئے لیکن ملک و عوام کے لئے آخری سانس تک ڈٹے رہے۔

Advertisement

آپ خود کا شہید ذوالفقار علی بھٹو سے موازنہ نا کریں، شہید بھٹو کو کہا گیا تمہیں عبرت کا نشان بنائے گے، وہ پھانسی چڑھ گئے لیکن ملک و عوام کے لئے آخری سانس تک ڈٹے رہے۔ آپ نے مبینہ خط ہوا میں لہرا کے جیب میں رکھ دیا۔ بھٹو بننے کے لئے وژن، جرات اور ہمت چاہئے۔ 2/3

— SenatorSherryRehman (@sherryrehman) March 28, 2022

ان کا کہنا تھا کہ وزیراعظم کے خطاب میں سرپرائز تو نہیں ملا لیکن تحریک انصاف کے کارکنان کا دل رکھنے کے لئے ایک خط ضرور لہرایا گیا اور الزام عائد کیاگیا کہ حکومت کے خلاف بیرونی سازش کی جارہی ہے۔

 اس موقع پر انہوں نے سوال اٹھایا ہے کہ بیرونی سازش متعلق خط پارلیمنٹ کی نیشنل سکیورٹی کمیٹی میں کیوں پیش نہیں کیا گیا؟

شیری رحمان کا کہنا تھا کہ  اس نااہل اور نالائق حکومت کے خلاف کسی کو سازش کرنے کی ضرورت ہی نہیں کیونکہ وزیراعظم عمران خان نے ملک و عوام کو تباہ کرنے کے علاوہ کیا کیا ہے ۔

آپ سے پہلے صدر زرداری نے روس کا دورہ کیا تھا، سی پیک کی بنیاد انہوں نے رکھی تھی، امریکہ سے بیسز انہوں نے واپس لئے تھے۔ آپ نے ملک و عوام کو تباہ کرنے کے علاوہ کیا کیا ہے جو آپ کے خلاف سازش کی جائے گی؟ اس نااہل اور نالائق حکومت کے خلاف کسی کو سازش کرنے کی ضرورت ہی نہیں۔ 3/3

— SenatorSherryRehman (@sherryrehman) March 28, 2022