جنرل سیکریٹری اور پارلیمانی لیڈر پیپلزپارٹی پنجاب حسن مرتضی نے کہا ہے کہ ‏غیر آئینی حکومت کا آئینی طریقے سے خاتمہ ہونے جا رہا ہے۔

تفصیلات کے مطابق  رہنما حسن مرتضی نے شہباز گل کی گفتگو پر ردعمل دیتے ہوئے کہا کہ ‏غیر آئینی حکومت کا آئینی طریقے سے خاتمہ ہونے جا رہا ہے۔

حسن مرتضی نے کہا کہ وزیر اعظم کے غیر منتخب ترجمان کی ایک منتخب ایم این اے کو گالیاں بکنا شرمناک عمل ہے، ٹی وی ٹاک شو میں سرِ عام کسی کو گالیاں بکنے والا خاندانی شریف آدمی نہیں ہو سکتا۔

انہوں نے مزید کہا کہ ٹاک شو میں سرِعام گالیاں دی گئیں اینکر اُسے کیوں نہ روک پایا۔

واضح رہے کہ کچھ روز قبل جاری اپنے بیان میں بھی سید حسن مرتضیٰ نے کہا تھا کہ عمران خان پاکستان کو ایک موذی مرض کی طرح چمٹ گیا ہے۔

 حسن مرتضیٰ نے کہا تھا کہ مافیاز کے ساتھ ملکر اس بیماری نے بخار کی گولیاں تک غائب کر دی ہیں، مافیاز عمران خان کو کمیشن دے کر بخار کی دوائی کی قیمت بھی چار گنا بڑھانے لگی ہے۔