پاکستان میں آٹو سیکٹر کی جانب سے وراں مالی سال کے ابتدائی آٹھ ماہ میں گاڑیوں کی فروخت کی رپورٹ جاری کی گئی ہے۔ جس کے مطابق گاڑیوں کی فروخت میں 57.7 فیصد، ٹرکوں میں 82.2 فیصد، جیب/ پک اپ میں 51.5 فیصد اور فارم ٹریکٹرز کی فروخت میں 6 فیصد ریکارڈ اضافہ ہوا ہے، جو ایک مظبوط کار کردی کو ظایر کرتا ہے۔

تاہم ایک رپورٹ  کے مطابق جولائی سے فروری 2021-22 کے درمیان بسوں کی فروخت میں 12 فیصد کمی واقع ہوئی ہے۔ اس کے ساتھ ہی مالی سال کے ابتدائی آٹھ ماہ کے  دوران موٹر سائیکلوں ار رکشوں کی فروخت میں3 فیصد کی معمولی کمی دیکھی گئی۔

پاکستان آٹو موٹیومینوفیکچررز ایسوسی ایشن (پاما) کے جاری کردہ اعدادوشمار کے مطابق وراں مالی سال کے ابتدائی 8 ماہ میں گاڑیوں کی فروخت بڑھ کر ایک لاکھ 49 ہزار813 یونٹس تک پہنچ گئی جو گزشتہ مالی سال میں 95 ہزار 139 یونٹس تھی۔

اس رپورٹ میں جاری کئے گئے اعداد وشمارکے مطابق 16 ہزار985 یونٹس کے مقابلے میں فروری کا مہینہ محدود ورکنگ ڈیز کے باوجود 18 ہزار54 یونٹس کی بہترین فروخت ساتھ ختم ہوا۔

ماپا کے جاری کردہ ڈیٹا کے مطابق ہونڈا/ سوک کی مشترکہ فروخت 23 ہزار یونٹس تک بڑھ گئی، جو کہ مالی سال 2021 کی اسی مدت میں 16 ہزار 213 یونٹس کے مقابلے میں 45 فیصد اضافہ ظاہرکرتی ہے۔

 ٹویوٹا کرولا اور ٹویوٹا یارس کی فروخت میں اضافہ دیکھا اس طرح ان کی فروخت رواں مالی سال کےابتدائی 8 مہینوں میں 38 ہزار 300 یونٹس رہی جو کہ گزشتہ مالی سال کے اس عرصے میں 29 ہزار 532 یونٹس تھی۔

سوزوکی کلٹس کی مالی سال 2021 کی اسی مدت میں 10 ہزار 471 اور ویگن آر کے 7 ہزار 608 یونٹس کی فروخت کے مقابلے میں رواں مالی سال کے 8 مہینوں میں سوزوکی کلٹس کی فروخت 66 فیصد بڑھ کر 17 ہزار 380 اور ویگن آر کی فروخت 55 فیصد بڑھ کر 14 ہزار 812 یونٹس ہوگئی۔

سوزوکی بولان کی فروخت 5 ہزار 481 اور آلٹو 660 سی سی کی فروخت 23 ہزار 293 یونٹس کے مقابلے میں بالترتیب 51 اور 79 فیصد اضافے سے 8 ہزار 267 اور 43 ہزار 427 یونٹس ہو گئی۔

ہنڈائی سوناٹا، ہنڈائی ایلانٹرا اور بی اے سی ڈی 20 سمیت مارکیٹ میں نئے آنے والوں کی فروخت رواں مالی سال کے ابتدائی 8 مہینوں میں بالترتیب ایک ہزار 929، ایک ہزار 638 اور 11 یونٹس رہی۔

واضح رہے کہ ٹرکو کی فروخت مالی سال 2022 میں جولائی تا فروری کے ابتدائی 8 مہینوں میں 2 ہزار 192 یونٹس سے بڑھ کر 3 ہزار 993 یونٹس ہو گئی۔

رواں مالی سال کے ابتدائی 8 ماہ میں بسوں کی فروخت مالی سال 2021 کی اسی مدت میں 447 یونٹس سے گر کر 393 یونٹس تک کم ہوگئی۔

جولائی تا فروری 2021-22  میں ہونڈا، سوزوکی اور یاماہا موٹر سائیکلوں کی فروخت کے دوران بالترتیب 9 لاکھ 3 ہزار 659، 24 ہزار 515 اور 16 ہزار 113 یونٹس رہی جو گزشتہ سال کے پہلے 8 مہینوں میں 8 فیصد، 64 فیصد اور 11 فیصد اضافے کے ساتھ 8 لاکھ 36 ہزار 46، 14 ہزار 954 اور 14 ہزار 526 یونٹس کے مقابلے میں زیادہ ہے۔

چینی بائیک اسمبلرز کے لئے رواں مالی سال کے 8 مہینے مایوس کن ثابت ہوئے، راوی، روڈ پرنس اور یونائیٹڈ آٹو موٹر سائیکلوں کی فروخت بالترتیب 52 فیصد، 32 فیصد، اور 29 فیصد کمی سے 2 ہزار 358، 69 ہزار 18 اور ایک لاکھ 85 ہزار 629 یونٹس پر آگئی جو گزشتہ مالی سال کے اس عرصے میں 4 ہزار 929، ایک لاکھ ایک ہزار 296 اور 2 لاکھ 60 ہزار 216 یونٹس تھی۔

رواں مالی سال کے پہلے 8 مہینوں میں آٹو سیلز کو بڑھانے میں میکرو ریکوری اور سنگل ڈیجٹ کی شرح سود نے ہم کردار ادا کیا۔

جبکہ حیرت انگیز طور پر ڈالر کی بڑھتی ہوئی قدر اور روپے کی قدرمیں کمی ہونے کے ساتھ مال برداری کے بڑھتے ہوئے نرخوں کی وجہ سے 4 وہیلرز کی بڑھتی ہوئی قیمتوں نے گاڑیوں اور جاپانی ساخت کی موٹر سائیکلوں پر کوئی منفی اثر نہیں پڑا۔

جبکہ کم قیمت چینی موٹر سائیکل پرصارفین کم اعتماد کا اضہار کیا اور ان کی فورخت میں کمی کا سامنا رہا۔

پاما کی اس رپورٹ کو دیکھتے ہوئے رواں مالی سال کے اختتام تک خریداری میں اضافہ کا امکان ہے کیونکہ اسمبلرزکی جانب سے گاڑیوں،جیپوں اور پک اپ کی بکنگ کی جارہی ہے۔