بھارت کی مشہور اداکارہ دیپیکا اور سب کے دلوں پر راج کرنے والے مشہور اداکار ہریتھک روشن کی نئی فلم فائٹر 28 ستمبر 2023 کو سینما گھروں کی زینت بنے گی۔

بھارتی میڈیا رپورٹس کے مطابق بالی ووڈ اسٹار دیپکا پاڈوکون اور معروف اداکار ہریتھک روشن پہلی بار ایک ساتھ فلم فائٹر میں کام کرنے جارہے ہیں جس کی ریلیز کی تاریخ بھی سامنے آگئی۔

اس فلم کے ہدایت کار سدھارتھ آنند نے فلم کی ریلیز کی تاریخ کا اعلان کیا ہے کہ فلم فائٹر28 ستمبر 2023 پڑے پردے پر ریلیز کر دی جائے گی۔

فائٹر میں دیپیکا اور ہریتھک کے ساتھ ساتھ بالی ووڈ اداکار انیل کپور بھی اپنی اداکاری کے جوہر دکھائیں گے۔

اس حوالے سے دیپکا پاڈوکون کا کہنا ہے کہ ہریتھک روشن کے ساتھ یہ میری پہلی فلم ہوگی اور ہمیشہ سے خواہش تھی کہ مذکورہ اداکار کے ساتھ کام کروں، فائٹر کی کہانی شاندار ہے اور بہترین ہدایت کی زیر نگرانی تیار ہوگی۔

یاد رہے کہ فلم سازوں نے اس فلم کے لیے 250 کروڑ کا بجٹ مختص کیا ہے، اس فلم کا اعلان تقریباً ایک سال قبل ہوا تھا یہ فلم فلم ایکشن اور تھرلر سے بھرپور ہوگی۔