گوجرانوالہ شہر کے سینٹرل جیل میں دو قیدی جاں بحق ہوگئے ہیں۔

تفصیلات کے مطابق سینٹرل جیل میں ایک ملزم نے خودکشی کی جبکہ دوسرا طبی موت فوت ہوا۔

جیل ذرائع نے بتایا کہ 44 سالہ مجرم قدیر نے اپنے ہی کپڑوں کے ازاربند سے پھندا لیکر خودکشی کی جبکہ  محمد قدیر پر 302 کے کیس کا ٹرائل چل رہا تھا۔

جیل ذرائع نے مزید بتایا کہ 74 سالہ احمد خان چھاتی میں درد ہونے کے باعث ڈی ایچ کیو میں آکر جان کی بازی ہار گیا۔

واضح رہے کہ کچھ روز قبل یہ خبر سامنے آئی تھی کہ سزائے موت کا قیدی رہائی کی خوشخبری سن کر مرگیا۔

سزائے موت کے قیدی کو 18 سال بعد رہائی کی خوشخبری ملی جس پر وہ بہت خوش ہوا کہ اسے اب سزائے موت کا سامنا نہیں کرنا پڑے گا اس دوران اسے دل کا شدید دورہ پڑا اور وہ مرگیا۔

55 سالہ جنوبی ایران سے تعلق رکھنے والا شخص 18 سال سے قتل کے جرم میں سزا کاٹ رہا تھا، قیدی کی جانب سے مقتول کے خاندان کو کئی بار رحم کی اپیل بھیجی گئی جسے انہوں نے بلآخر معاف کردیا۔

قیدی کو یہ سن کر بہت خوشی ہوئی کہ اسے سزائے موت کا سامنا نہیں کرنا پڑے گا جس کی وجہ سے اچانک اسے دل کا شدید دورہ پڑا اور اس کی موت ہو گئی۔

قیدی نے 18 سال سزائے موت کے خوف میں گزارے، حکام مقتول کے خاندان کو اسے معاف کرنے پر راضی کرنے میں کامیاب رہے لیکن وہ رہا ہونے سے پہلے ہی مرگیا۔