فواد چوہدری نے کہا ہے کہ ہم اپنا مستقبل ڈاکوؤں اورچوروں کے حوالے نہیں کریں گے۔

وفاقی وزیر اطلاعات فواد چوہدری نے پریس کانفرنس کرتے ہوئے کہا ہے کہ چھوٹا ڈان کہتا ہے پی ٹی آئی کے بغیرقومی حکومت بناؤ، ایسا بیانیہ نہیں سنا کہ ڈاکوؤں کی حکومت بنے جو چوروں کو بچائے۔

انہوں نے کہا کہ ہم اپنا مستقبل ڈاکوؤں اورچوروں کے حوالے نہیں کریں گے، سندھ ہاؤس میں منڈی لگی ہوئی ہے،بولیاں لگ رہی ہیں، اس وقت سے بچو جب عمران خان ہمیں ہارس ٹریڈنگ روکنے کا کہیں گے۔

فواد چوہدری نے کہا کہ ڈی چوک پر10لاکھ لوگوں کو اکٹھا کریں گے، 10 لاکھ لوگوں کے ڈرسے ہی یہ بےہوش ہوجائیں گے، ہمارے پاس انصارالاسلام جیسی تنظیمیں نہیں، ہمارے پاس سندھ ہاؤس کی طرح اسلحہ نہیں چھپا ہوا۔

وفاقی وزیر اطلاعات نے کہا کہ شریف آدمی کواتنا دیوارسے نہ لگاؤ کہ بدمعاش بن جائے، عمران خان بین الاقوامی سامراج سے بچانےکیلئے جدوجہد کررہے ہیں۔