بنگلہ دیش نے میزبان ملک جنوبی افریقہ کو تیسرے ون ڈے میچ میں شکست دے کر تاریخ رقم کر دی۔

عالمی کرکٹ کے اُفق پر 1997 میں نظر آنے والی بنگلہ دیش کرکٹ ٹیم بالآخر اپنے ملک سے باہر پہلی مرتبہ سیریز جیتنے میں کامیاب ہو گیا۔

جنوبی افریقہ کے سپر اسپورٹس پارک سنچورین کے ڈے نائٹ تیسرے اور فیصلہ کن ون ڈے میچ میں پروٹیز نے پہلے بیٹنگ کی۔

پروٹیز کی ٹیم تسکین احمد کی شاندار بالنگ کے باعث 37 اوورز میں 154 رنز بنا کر آؤٹ ہو گئی۔

پروٹیز کی جانب سے کوئی بیٹر بھی نصف سنچری اسکور نہ کر سکا ، میلان 39 ، ڈیوائن پریٹورئیس 20 اور کیشو مہاراج 28 رنز بنا سکے۔

تسکین احمد نے 9 اوورز میں 35 رنز دے کر 5 پروٹیز کا شکار کیا۔

ہدف کے تعاقب میں بنگال ٹائیگرز کے اوپنرز کپتان تمیم اقبال اور لٹن داس کے مابین 127 رنز کی شراکت داری نے میچ کے نتیجے کا پہلے ہی اعلان کر دیا۔

تمیم اقبال نے 87 رنز کی ناقابل شکست اننگ کھیلی، جبکہ لٹن داس 48 رنز بنا کر آؤٹ ہو گئے۔

بنگلہ دیش نے یہ میچ 9 وکٹوں سے جیت کر تاریخ رقم کر دی اور پہلی بار ملک سے باہر جنوبی افریقہ کی سرزمین پر جنوبی افریقہ کو سیریز میں شکست دی۔