امریکی فٹ بال کے معروف کھلاڑی آرون راجرز امریکی فٹ بال لیگ کی تاریخ کے سب سے مہنگے کھلاڑی بن گئے ہیں۔

حیرت انگیز طور پر راجرز امریکی فٹ بال سے رٹائرمنٹ کے بارے میں صلاح مشورے کر رہے تھے، ان کا ارادہ تھا کہ وہ کھیل سے دور ہونے کے بعد بزنس میں قسمت آزمائیں گے۔

راجرز کی قسمت میں شاید بزنس کے بجائے کھیل ہی لکھا تھا اس لئے انہوں نے اپنے کلب گرین بے پیکرز سے دوبارہ معاہدہ کر لیا۔

غیر ملکی میڈیا کے مطابق کلب اور راجرز کے مابین 4 سالہ معاہدہ پر اتفاق ہو گیا ہے، معاہدے کے تحت کلب راجرز کو 200 ملین ڈالرز رقم دے گا۔

گرین بے پیکرز کے ساتھ راجرز کا معاہدہ این ایف ایل کی تاریخ کا سب سے بڑا معاہدہ ہے۔ اس معاہدے کی پاسداری کے لئے گرین بے پیکرز کلب 153 ملین ڈالرز بطور ضمانت کے طورپر ادا کرے گا۔

گرین بے نے ابھی تک راجرز کے معاہدے میں توسیع کا باقاعدہ طور پر اعلان نہیں کیا ہے۔

گزشتہ سال راجرز کی جانب سے کلب چھوڑنے کی باتیں ہوتی رہی، مگر یہ افواہیں سچ ثابت نہ ہو سکیں۔

آرون راجرز بھی نوواک جوکووچ کی طرح کورونا ویکسین کے سخت ناقد رہے ہیں، گزشتہ سیزن میں نوواک جوکووچ کی طرح وہ بھی ڈگ آؤٹ میں بیٹھے تھے۔

 2020 کے سیزن کے ختم ہونے اور 2021 کے سیزن میں جانے والے ڈرامے کے بعد بھی آیا راجرز پیکرز میں واپس آنے والے ہیں یا نہیں۔