سوشل میڈیا عمرو عیار کی ایسی زنبیل کی مانند ہے کہ پتا نہیں چلتا اس میں ہاتھ ڈالنے پر کونسی چیز ہاتھ لگ جائے۔

یہ عجیب و غریب چیزوں اور مواد کا ذخیرہ ہے، یہاں آپ کو ایسی چیزیں دیکھنے کو مل سکتی ہیںجو اتنی عجیب ہوتی ہیں آپ سر کھجوتے رہ جائیں۔

ایسی تصاویر ان لوگوں کی ہوتی ہیں جو بالکل نہیں سوچتے کہ ایک حرکت انہیں سوشل میڈیا پر وائرل کرا سکتی ہے۔

حال ہی میں ایک شخص کی تصویر کافی تیزی سے وائرل ہورہی ہے، جس میں اسے ایک ریستوراں میں کھانا کھاتے ہوئے دیکھا جاسکتا ہے۔

آپ سوچ رہے ہوں گے کہ کھانا کھاتے شخص کی تصویر میں لوگوں کو ایسی بھی کیا دلچسپی ہوسکتی ہے کہ وہ وائرل ہوجائے۔

دراصل جس شخص کی ہم بات کررہے ہیں وہ برطانیہ کے ایک ریستوراں میں برہنہ حالت میں لنچ کرنے پہنچ گیا۔

اس شخص نے صرف موزے اور جوتے پہن رکھے تھے ، اس کے علاوہ اس کے جسم پر ایک بھی کپڑا نہیں تھا۔

تصویر میں دیکھا جاسکتا ہے کہ اس شخص کو ریستوراں کا ہی ایک ملازم گھوز کر دیکھ رہا ہے۔

یہ تصویر ٹویٹر پر @ScrtDrugAddict نام کے اکاونٹ سے پوسٹ کی گئی ہے۔

تصویر برطانیہ کے ریستوراں چین گریگس کے ایک آوٹ لیٹ میں کھینچی گئی ہے۔

یہ تصویر ٹویٹر پر وائرل ہوگئی ہے اور اس کو ہزاروں لوگوں نے ری ٹویٹ کیا ہے۔

حیرانی کی بات یہ ہے کہ لوگوں نے اس شخص کی الگ الگ جگہ فوٹوز کھینچی ہے۔

ایک نے اس کو سڑک پر چلتے دیکھا تو کسی نے اس کو راک بینڈ میں دیکھا۔

انہوں نے ان تصاویر کو مین فوٹو کے کمنٹ سیکشن میں پوسٹ کیا ہے۔