یومِ پاکستان پریڈ میں آرمی چیف جنرل قمر جاوید باجوہ نے پاکستانی شوبز انڈسٹری کے سپراسٹارز سے ملاقات کی۔

آرمی چیف نے پریڈ میں شرکت کرنے والے شوبز ستاروں سے ملاقات کی، ملاقات کرنے والوں میں حریم فاروق، سجل علی، مایا علی اور وہاج علی شامل تھے۔

SOMEBODY TELL ME WHAT THE COAS SAID TO MAYA ALI. 😭😭
He leaned forward pointed to her and said something and she thanked him twice?!!!!#MayaAli pic.twitter.com/zQgtoHTIUV

Advertisement

— n. (@Mahenurrr) March 23, 2022

سوشل میڈیا پر آرمی چیف کی یہ ویڈیو زیر گردش ہے، جس میں انہیں اداکارہ مایا علی سے گفتگو کرتے دیکھا جاسکتا ہے۔

آرمی چیف کی بات سُن کر مایا علی جواب میں احترام سے اُن کا شکریہ ادا کرتی نظر آرہی ہیں۔

یومِ پاکستان کی مرکزی تقریب، مسلح افواج کی شاندار پریڈ

اسلام آباد کے شکر پڑیاں پریڈ گراؤنڈ یوم پاکستان کی مرکزی تقریب کا انعقاد کیا گیا۔

پریڈ میں صدرِ مملکت ڈاکٹر عارف علوی ، وزیرِ اعظم عمران خان اور پاک فوج کے سربراہ جنرل قمر جاوید باجوہ سمیت مسلح افواج کے سربراہان ، وزیر دفاع پرویز خٹک، وفاقی وزیر منصوبہ بندی اسد اور دیگر نے شرکت کی۔

رواں برس قیام یومِ پاکستان کی مرکزی پریڈ کی تھیم ’شاد رہے پاکستان‘ رکھی گئی تھی جو قومی ترانے سے ماخوذ ہے۔

پریڈ میں مسلح افواج کے آرمڈ کور، ائیر ڈیفنس اور دیگر دستوں نے سامانِ حرب کے ساتھ حصہ لیا، اس موقع پر خصوصی فلائی پاسٹ کا بھی مظاہرہ کیا گیا۔

صدرِ مملکت ڈاکٹر عارف علوی کی آمد پر خصوصی بگل بجایا گیا، قومی ترانہ پڑھنے اور تلاوت کلام پاک کے بعد پریڈ کا باقاعدہ آغاز ہوا۔

صدرِ مملکت ڈاکٹر عارف علوی نے خصوصی جیپ میں سوار ہو کر مسلح افواج کا معائنہ کیا۔

او آئی سی کے وزرائے خارجہ کو بھی یومِ پاکستان پریڈ میں خصوصی طور پر مدعو کیا گیا تھا۔